રાજ્યમાં લોકસભાના મહાપર્વને હવે ગણતરીના દિવસો બાકી રહ્યા છે. ત્યારે કોંગ્રેસમાં દિવસેને દિવસે વધું ભંગાણ થઇ રહ્યું છે. અલ્પેશ ઠાકોરના રાજીનામાં બાદ કોંગ્રેસને રાજકોટથી વધું એક મોટો ફટકો મળ્યો છે. જિલ્લા યુવક કોંગ્રેસના પ્રમુખ ભરતસિંહ જાડેજા ભાજપમાં જોડાયા છે.
રાજકોટ કોંગ્રેસને લોકસભા પહેલા વધુ એક ફટકો મળ્યો છે. જિલ્લા યુવક કોંગ્રેસના પ્રમુખ ભરતસિંહ જાડેજા અને શહેર અને જિલ્લા NSUI પ્રમુખ જયકિશનસિંહ ઝાલા ભાજપમાં જોડાયા છે. આવતીકાલે CM રૂપાણીની હાજરીમાં ભાજપનો ખેસ ધારણ કરશે.
તમને જણાવી દઇએ કે, કોંગ્રેસમાં ભંગાણ થઇ રહ્યું છે. લોકસભાની ચૂંટણી નજીક આવતાં જ ભાજપ કોંગ્રેસમાં તોડજોડનું રાજકારણ શરૂ થઈ ગયું છે. થોડા દિવસ પહેલા જ જિલ્લા પંચાયતના કોંગ્રેસના સભ્યોને તોડીને ભાજપે વિપક્ષમાં ભંગાણ સર્જયું હતું. જિલ્લા પંચાયત બાદ હવે શિક્ષણ જગત સાથે સંકળાયેલા અને આજ દિવસ સુધી ભાજપનો કટ્ટર વિરોધ કરતાં સેનેટ સભ્યોને NSUI પ્રમુખ ભાજપ તરફ નમ્યા છે.