હવામાન / અષાઢી માહોલ જામ્યો: અમદાવાદ, ગાંધીનગર અને સૌરાષ્ટ્રના આટલા જિલ્લાઓમાં આજે વરસાદની આગાહી

 

• રાજ્યમાં વરસાદને લઈ હવામાન વિભાગની આગાહી
• રાજ્યના આ વિસ્તારમાં ભારે વરસાદની આગાહી
• છલકાઈ જશે સાબરમતી અને નર્મદાઃ અંબાલાલ

ગુજરાતમાં 5 દિવસ સુધી હવામાન વિભાગ દ્વારા વરસાદની આગાહી કરવામાં આવી છે. છેલ્લા 24 કલાકમાં ગુજરાતના 111 તાલુકામાં વરસાદ નોંધાયો છે. જેમાં સૌથી વધુ વરસાદ ગોધરા અને માતરમાં નોંધાયો છે. આજે પણ હવામાન વિભાગ દ્વારા ભારે વરસાદની આગાહી કરવામાં આવી છે. આજે હવામાન વિભાગ દ્વારા અમદાવાદ, ગાંધીનગર, ખેડા, સુરેન્દ્રનગર, રાજકોટ, જૂનાગઢ, પંચમહાલ સહિતના જિલ્લાઓમાં વરસાદની આગાહી કરવામાં આવી છે. 

આજે નર્મદા, ભરૂચ સહિતના જિલ્લામાં વરસાદની આગાહી
હવામાન વિભાગના જણાવ્યા અનુસાર આજે અમદાવાદ, આણંદ, અરવલ્લી, દાહોદ, ગાંધીનગર, ખેડામાં વરસાદ થઈ શકે છે. આ ઉપરાંત મહીસાગર, પંચમહાલ, દીવ, અમરેલી, ભાવનગર, બોટાદ, ગીર સોમનાથ, જામનગર, જૂનાગઢ, પોરબંદર, સુરેન્દ્રનગર, રાજકોટ, નવસારી, વલસાડ, સુરત, ડાંગ, તાપી, નર્મદા, ભરૂચ અને છોટાઉદેપુરમાં વરસાદ વરસી શકે છે. 

આવતીકાલે અહીં ખાબકી શકે છે ભારે વરસાદ
તો આવતીકાલે અમદાવાદ, આણંદ, અરવલ્લી, દાહોદ, ગાંધીનગર, ખેડા, મહીસાગર, પંચમહાલ, અમરેલી, ભાવનગર, બોટાદ, ગીર સોમનાથ, જામનગર, જૂનાગઢ, પોરબંદરમાં વરસાદની આગાહી છે. સાથે જ રાજકોટ, સુરેન્દ્રનગર, નવસારી, વલસાડ, સુરત, ડાંગ, તાપી, નર્મદા, ભરૂચ અને છોટાઉદેપુરમાં વરસાદની સંભાવના છે. 

27 જૂને પણ વરસાદની હવામાન વિભાગે કરી આગાહી
27 જૂને મેઘરાજા નવસારી, વલસાડ, સુરત, ડાંગ, તાપી, નર્મદા, ભરૂચ અને છોટાઉદેપુરમાં ભારે વરસાદ તૂટી પડવાની આગાહી હવામાન વિભાગ દ્વારા કરવામાં આવી છે. આ ઉપરાંત હવામાન નિષ્ણાંત અંબાલાલ પટેલે વરસાદને લઈને મોટી આગાહી કરી છે. 

અંબાલાલ પટેલે પણ કરી છે આગાહી
અંબાલાલ પટેલે જણાવ્યું હતું કે, બંગાળના ઉપસાગરમાં ઉભું થતું વરસાદી વહનના કારણે ગુજરાતમાં ભારેથી અતિભારે વરસાદ થશે. 25થી 30 જૂનમાં રાજ્યના ભાગો ભારેથી અતિભારે વરસાદની શક્યતા રહેશે. મધ્ય ગુજરાત, ઉત્તર-મધ્ય, પૂર્વ ગુજરાતના ભાગોમાં વરસાદની શક્યતા છે. આહવા, ડાંગ અને વલસાડના ભાગોમાં વરસાદ વરસાદ વરસી શકે છે. જુલાઈ 5 સુધીમાં સૌરાષ્ટ્ર અને કચ્છના ભાગોમાં પણ વરસાદની શક્યતા રહેશે. જે ચોમાસાનો વિધિવત વરસાદ હશે. 

નદીમાં થશે પાણીની આવકઃ અંબાલાલ
તેમણે જણાવ્યું હતું કે, આ વખતે ગુજરાતમાં ચોમાસું મોડું આવશે પરંતુ તેની એન્ટ્રી જોરદાર હશે. આ દરમિયાન ગુજરાતમાં ભારેથી અતિભારે વરસાદ થશે. ભારે વરસાદના કારણે નર્મદા અને તાપી નદીના જળ સ્તરમાં વધારો થશે. સાથે જ 10 જુલાઈ સુધીમાં સાબરમતી નદીમાં પાણીની આવક થવાની શક્યતા છે. વરસાદને લઈ જળાશયો, તળાવો, બંધોમાં પાણીની આવક વધશે. જૂનના અંતમાં અને જુલાઈ મહિનાની શરૂઆતમાં જે વરસાદ પડશે તે ગુજરાતમાં પાણીની સમસ્યા હલ કરવા માટે સહાય રૂપ રહેશે.