દિલ્હી: રાફેલ ડીલ મુદ્દે સુપ્રીમ કોર્ટમાં સુનાવણી હાથ ધરાઈ છે. રાફેલ ડીલને લઈને સુપ્રીમ કોર્ટમાં અરજી દાખલ થઈ છે. ત્યારે આ અરજી પર CJIની અધ્યક્ષતામાં ત્રણ જજોની બેંચ દ્વારા સુનાવણી હાથ ધરાઈ છે. કોર્ટ રાફેલ ડીલ અને તેની કિંમતના ફાયદાની તપાસ કરી રહી છે.
કેન્દ્ર સરકારે ગત સુનાવણી દરમિયાન 36 રાફેલ લડાકૂ વિમોની કિંમત અને તેના ફાયદા વિશે કોર્ટમાં સીલબંધ કવરમાં રિપોર્ટ રજૂ કરી છે. તો પ્રશાંત ભૂષણે કહ્યું કે સરકાર પહેલા જ બે વાર દેશની સુરક્ષાને લઈને સંસદમાં રાફેલ ડીલની કિંમત બતાવી ચૂકી છે.
Rafale Jet Deal Case: CJI Ranjan Gogoi says any debate on pricing of the Rafale deal comes only if this Court decides those aspects needs to come in public domain.
ત્યારે સુનાવણી દરમિયાન સુપ્રીમ કોર્ટે પ્રશાંત ભૂષણને કહ્યું કે કોર્ટમાં જેટલું જરૂરી હોય એટલું જ બોલો. પ્રશાંત ભૂષણે આરોપ લગાવ્યો કે દસોલ્ટે રિલાયન્સ ગ્રૂપના 240 કરોડ રૂપિયાના શેર ખરીદ્યા છે.
ત્યારે ચીફ જસ્ટીસ રંજન ગોગોઈ જસ્ટીસ એસ.કે.કૌલ અને જસ્ટીસ કે.એમ.જોસેફની ખંડપીઠે સુનાવણી ચાલી રહી છે. અરજીકર્તાએ કોર્ટની દેખરેખ હેઠળ તપાસની માગ કરી છે. સુનાવણી દરમિયાન CJIએ કહ્યું કે રક્ષા મંત્રાલયનો પક્ષ તેઓ સાંભળવા માગે છે. જેથી એરફોર્સના અધિકારીઓને બોલાવો તેઓ પોતાની જરૂરીયાતો જણાવશે.