બિહાર ચૂંટણીના પરિણામો પછી મહાગઠબંધન ની સરકાર બનવવાની આશા હજુ પૂરી થઈ નથી, જો કે તેજસ્વી યાદવ હજી હાર માનવા તૈયાર નથી. તેજસ્વી યાદવે મુખ્યમંત્રી બનવાની કોશિશમાં મોટો દાવ રમ્યો છે.
મહાગઠબંધન ને હજુ સરકાર બનાવવાની આશા
બિહારમાં ફરી જોડતોડની રાજનીતિ શરૂ
NDA ની કરી VIP એ કરી DyCM પદની ઓફર
બિહાર વિધાનસભા ચૂંટણી પરિણામ આવી ગયા છે. જેના મુજબ NDA સરકાર બનાવવાની સ્થિતિમાં છે પરંતુ તેજસ્વી યાદવે હજી હાર માની નથી. ઇન્ડિયન એક્સપ્રેસના અહેવાલ મુજબ, RJD હવે NDA માં સામેલ બે નાની પાર્ટીઓનો સંપર્ક કરી રહી છે. RJD વિકાસશીલ ઇન્સાન પાર્ટી VIP ના મુકેશ સાહની અને હિન્દુસ્તાની અવામ મોરચા HAM ના જીતનરામ માંઝી સાથે સંપર્કમાં છે.
ઘણો મોટો દાવ રમ્યો
સૂત્રો અનુસાર જાણકારી આપવામાં આવી હતી કે મુકેશ સાહની DyCM પદ મળે તો ગઠબંધન બદલવા માટે તૈયાર છે અને RJD પણ મુકેશ સાહનીની માંગને સ્વીકારવા તૈયાર જણાય છે. જોકે, આ મામલે હજુ અંતિમ નિર્ણય લેવામાં આવ્યો નથી. સૂત્રો કહે છે કે આ બંને પક્ષોની સાથે RJD હવે અસદુદ્દીન ઓવૈસીની AIMIM ને પણ તેમની સાથે રાખવા પ્રયાસ કરી શકે છે.
જો આ થાય તો નવા સમીકરણો શું બને?
મહત્વનું છે કે બિહારની ચૂંટણીમાં મહાગઠબંધન ને 110 બેઠકો મળી છે. સરકાર બનાવવા માટે 122 બેઠકોની જરૂર છે. આ અર્થમાં, હવે મહાગઠબંધન ને સરકાર બનાવવા માટે માત્ર 12 બેઠકોની જરૂર છે.
જો NDA ના આ બંને પક્ષોની સાથેની સાથે ઓવૈસીની પાર્ટી પણ જો મહાગઠબંધનને જોઇન કરે છે, તો આ સરકાર બનાવવા માટે પૂર્ણ બહુમતી કરતાં વધી જશે. જીતનરામ માંઝીની પાર્ટીએ 4 બેઠકો જીતી લીધી છે. VIP ને પણ 4 બેઠકો મળી છે જ્યારે ઓવૈસીની AIMIM ને 5 બેઠકો મળી છે. આ રીતે, ત્રણેય પક્ષોને મળીને 13 બેઠકો મળી રહી છે, જ્યારે મહાગઠબંધનને સરકાર બનાવવા માટે માત્ર 12 વધુ બેઠકોની જરૂર છે.
હજુ સુધી નિર્ણય લીધો નથી
VIP ના સૂત્રોએ જો કે RJD ની ઓફરની પુષ્ટિ કરી છે, જો કે તેમણે હજુ સુધી આ અંગે કોઈ જ નિર્ણય કર્યો નથી. સૂત્રોના જણાવ્યા અનુસાર VIP ને ડેપ્યુટી સીએમ અને એક મંત્રી પદની ઓફર કરવામાં આવી રહી છે. જો કે આ જ સાથે HAM પાર્ટીએ મહાગઠબંધન માં પાછા ફરવાની શક્યતાઓને સંપૂર્ણ નકારી કાઢી છે.