BIG NEWS / પત્નીની દેખરેખ રાખવી તે પતિની કાનૂની જવાબદારી: પંજાબ અને હરિયાણા હાઈકોર્ટ

• પંજાબ અને હરિયાણા હાઈકોર્ટે આપ્યો ચુકાદો
• પતિ-પત્નીના વિવાદમાં થઈ હતી સુનાવણી
• ફેમિલી કોર્ટના ચુકાદાને હાઈકોર્ટમાં આપ્યો પડકાર

પંજાબ અને હરિયાણા હાઈકોર્ટે એક વૈવાહિક વિવાદ પર ચુકાદો આપતા કહ્યું કે, પત્નીને એજ લિવિંગ સ્ટેંટર્ડની સાથે રહેવાનો પુરો અધિકાર છે, જે લિવિંગ સ્ટેંડર્ડ સાથે તે પોતાની પતિ સાથે રહેતી હતી. હકીકતમાં એક અરજીકર્તા પતિએ હાઈકોર્ટમાં ફેમિલી કોર્ટના એ આદેશને રદ કરવાની માગ કરી હતી. જેમાં પત્નીને દર મહિને 3000 રૂપિયા ભરણપોષણ આપવા માટે કહેવાયું હતું. અરજીકર્તાએ હાઈકોર્ટમાં કહ્યું કે, ફેમિલી કોર્ટનો આ ચુકાદો યોગ્ય નથી. જો કે, ન્યાયમૂર્તિ રાજેશ ભારદ્વાજની બેન્ચે અરજીકર્તા પતિની આ અરજીને ફગાવી દીધી હતી અને કહ્યું કે, પત્ની એ જ લિવિંગ સ્ટેંડર્ડની હકદાર છે, જેમાં તે પતિ સાથે રહેતી આવી છે. 

અરજીકર્તા વકીલે હાઈકોર્ટને કહ્યું કે, બંને પક્ષની વચ્ચે કોઈ પણ પ્રકારનો વિવાદ નથી. અરજીકર્તા પતિએ ન તો ક્યારેય પત્નીની ઉપેક્ષા કરી છે ન તો ક્યારેય સાથે રાખવાની ના પાડી છે. ત્યારે આવા સમયે પતિ કોઈ પણ માસિક ભરણપોષણ આપવા માટે ઉતરદાયિ નથી. હાઈકોર્ટની સામે આ તર્ક આપવામા આવ્યો કે, પત્નીએ કોઈ પણ કારણ વિના અરજીકર્તા પતિને છોડી દીધો. ત્યારે આવા સમયે ફેમિલી કોર્ટ દ્વારા આપવામાં આવેલા ચુકાદામાં દર મહિને પત્નીને 3000 રૂપિયા ભરણપોષણ તરીકે આપવાની વાત કાયદાની દ્રષ્ટિ અસ્થિર છે અને એટલા માટે તેને રદ કરી દેવું જોઈએ.

મહિલાને પ્રતાડિત કરતો હતો પતિ

ન્યાયમૂર્તિ રાજેશ ભારદ્વાજની સુનાવણી બાદ કહ્યું કે, અરજીકર્તા પતિ અને પ્રતિવાદી પત્નીએ વર્ષ 2017માં લગ્ન કર્યા હતા. આરોપ મુજબ પતિ અને તેનો પરિવાર મહિલા સાથે ખોટી વર્તણૂંક કરે છે અને માનસિક તથા શારીરિક રીતે પ્રતાડિત કરતો હતો. કારણ કે મહિલા પોતાના પિયરમાં દહેજ ઓછો લાવી હતી. મહિલાના પતિ અને સાસરિયાવાળા પોતાના પિયરમાંથી 50,000 રૂપિયાની રકમ લાવવા માટે મજબૂર કરતા હતા. જેથી તેમના બ્યૂટીપાર્લરના વ્યવસાયને વધારી શકાય.

તેમણે કહ્યું કે, 17 જૂલાઈ 2018ના રોજ અરજીકર્તા પતિ અને તેના પરિવારે મહિલાને મારી હતી અને તેને ઘરમાંથી હાંકી કાઢી હતી. કોર્ટે જાણ્યું કે, પતિ તમામ કામ કરવા માટે શારીરિક રીતે સક્ષમ છે. રેકોર્ડમાં એવું કંઈ નથી મળ્યું જેનાથી એ સાબિત થાય કે, પત્નીએ પોતાના પતિને છોડી દીધી છે. કાયદા મુજબ પત્નીની દેખરેખ રાખવી પતિની કાયદાકીય રીતે જવાબદાર બને છે.