ગોરખપુરમાં પ્રોપર્ટી ડીલર મનીષ ગુપ્તાના મોતને લઈને ઘણા સવાલો ઉભા થઈ રહ્યા છે. પોસ્ટમોર્ટમ રિપોર્ટ સામે આવતાં પોલીસની બર્બરતા અંગે ઘણા ખુલાસા ઉજાગર થયા છે.
પોસ્ટમોર્ટમ રિપોર્ટમાં પોલીસની નિર્દયતાનો પર્દાફાશ થયો
મનીષ ગુપ્તાના હાથ પર ડંડો મારતા ગંભીર ઇજા થઇ હતી
શરીર અને માથા પર ગંભીર ઇજા માટે જીવલેણ સાબિત થઇ
CM યોગી પીડિત પરિવાર સાથે કરશે મુલાકાત
ઉત્તર પ્રદેશના ગોરખપુરમાં પ્રોપર્ટી ડિલર મનીષ ગુપ્તાના શંકાસ્પદ મોતનો મામલો ગરમાયો છે. મુખ્યમંત્રી યોગી આદિત્યનાથ ટૂંક સમયમાં પીડિત પરિવારને મળશે તેથી પરિવાર પણ અંતિમ સંસ્કાર માટે સંમચ થયો છે. પરંતુ હવે મનીષ ગુપ્તાનો પોસ્ટમોર્ટમ રિપોર્ટ આવ્યો છે. જેમાં આશ્ચર્યજનક ખુલાસા થાય છે. પોસ્ટમોર્ટમ રિપોર્ટમાં જણાવ્યું છે કે, મનીષ ગુપ્તાનું મોત પોલીસ દ્વારા નિર્દયતાથી માર મારવામાં આવતાં થયું છે.
મનીષ ગુપ્તાના હાથ પર ડંડો મારતા ગંભીર ઇજા થઇ હતી
રિપોર્ટ અનુસાર મનીષ ગુપ્તાના શરીર પર ચાર ગંભીર ઈજાના નિશાન જોવા મળ્યાં છે. જ્યારે માથામાં ગંભીર ઈજા તેના માટે જીવલેણ સાબિત થઈ હતી. રિપોર્ટ અનુસાર મનીષ ગુપ્તાના જમણા હાથના કાંડામાં લાકડીથી ગંભીર ઈજા પહોંચાડવામાં આવી હતી
શરીર અને માથા પર ગંભીર ઇજા જીવલેણ સાબિત થઇ
આ ઉપરાંત, જમણા હાથના હાથ પર લાકડીના મારવાના નિશાન પણ મળ્યા છે અને ડાબી આંખ પર પણ ઈજા થઈ છે.સ્પષ્ટ છે કે મનીષ ગુપ્તાનો પોસ્ટમોર્ટમ રિપોર્ટમાં જણાવ્યા અનુસાર તેની જોડે કેવા પ્રકારાનો માર મારવામાં આવ્યો હતો. જેને લઈને આ મારપીટ તેનું મોતનું કારણ બની જવા પામ્યું છે.
આ મામલે ત્રણ પોલીસ સહિત 6 લોકો સામે ગુનો નોધાયો
તમને જણાવી દઈએ કે કાનપુરના પ્રોપર્ટી ડીલર મનીષ ગુપ્તાનું ગોરખપુરમાં અવસાન થયું હતું. આ કેસમાં ત્રણ પોલીસ સહિત કુલ 6 લોકો સામે હત્યાનો ગુનો નોંધવામાં આવ્યો છે. આ શંકાસ્પદ મોત બાદ મનીષ ગુપ્તાના પરિવાર દ્વારા સતત પ્રદર્શન કરવામાં આવ્યું હતું અને રાજ્ય સરકાર પાસેથી ન્યાયની માંગ કરવામાં આવી રહી હતી.
આ મામલે વિપક્ષ દ્વારા સરકારને નિશાન બનાવવામાં આવી.
બુધવારે જ્યારે મનીષ ગુપ્તાની પત્ની મીનાક્ષીએ જિલ્લા વહીવટીતંત્ર દ્વારા મળી હતી, ત્યારે પરિવારે અંતિમવિધિ માટે તૈયાર થયો હતો. ત્યારે આ મામલાએ રાજકીય તીવ્રતા પણ લીધી હતી, સરકારને વિપક્ષ દ્વારા નિશાન બનાવવામાં આવી હતી. આ દરમિયાન, કુલ 6 પોલીસકર્મીઓને સસ્પેન્ડ કરવામાં આવ્યા છે, જ્યારે SHO અને બે SI સામે કેસ નોંધવામાં આવ્યો છે. જોકે હજુ સુધી કોઈ પોલીસકર્મીની ધરપકડ કરવામાં આવી નથી.