આંખ હોવી અને દ્રષ્ટી હોવી તે બન્ને બાબતમાં માં તફાવત છે. આવું એટલા માટે કહેવું પડે છે કે, આંખથી દ્રશ્યમાન સૃષ્ટિ જોઈ શકાય છે પરંતુ દ્રષ્ટિથી શક્યતાઓ અને અસ્તિત્વની પેલે પાર જોઈ શકાય છે.
દેશના પ્રથમ પ્રજ્ઞાચક્ષુ IAS મહિલા અધિકારી
પ્રાંજલ પાટીલે સંભાળ્યો નાયબ કલેક્ટરનો ચાર્જ
એક લેખ વાંચી IAS બનવાની થઇ ઇચ્છા
આવી એક દ્રષ્ટીવંત મહિલાશક્તિનો નજારો ત્યારે જોવા મળ્યો જ્યારે તામિલનાડુના તિરુવનંતપુરના નાયબ કલેક્ટર તરીકે પ્રજ્ઞાચક્ષુ પ્રાંજલ પાટીલે પદભાર સંભાળ્યો અને એ સાથે જ દેશની પ્રથમ પ્રજ્ઞાચક્ષુ આઈએએસ મહિલા અધિકારી તરીકે હોદ્દો સંભાળવાનો પણ ઈતિહાસ રચી દીધો.
દેશના પ્રથમ પ્રજ્ઞાચક્ષુ IAS
દેશની પ્રથમ પ્રજ્ઞાચક્ષુ મહિલા આઈએએસ અધિકારી પ્રાંજલ પાટીલે તિરુવનંત પુરમમાં જ્યારે સબ કલેક્ટર તરીકે હોદ્દો સંભાળ્યો ત્યારે અનેક કેમેરામાંએ ક્ષણ કેદ થઈ ગઈ. કહો કે એ કેમેરા એક દ્રષ્ટીવંત મહિલા શક્તિને જાણવા જ મંડરાયા હતા. મહારાષ્ટ્રના ઉલ્હાલનગરની નિવાસી પ્રાંજલ કેરલ કેડરમાં નિમણૂંક પામનારી દેશની પ્રથમ પ્રજ્ઞાચક્ષુ મહિલા છે.
આંખો ગુમાવી છતાં હિંમત હાર્યા વગર પાસ કરી UPSC
તમને જાણીને નવાઈ લાગશે પ્રાંજલ પાટિલની આંખો જન્મથી જ નબળી હતી. પરંતુ છ વર્ષની ઉંમરે પહોંચતા સુધીમાં તો એ આછી ઝાંખી દ્રષ્ટીનો દીપક પણ કાયમ માટે ઓલવાઈ ગયો. પરંતુ તેણીએ પોતાની હિંમત ન હારી. ઉલટાની તે જીવનમાં કંઈક કરી બતાવવાની ધૂન સાથે આગળ વધતી રહી. તેની અથાગ મહેનતનું પરિણામ એ આવ્યું કે, તેણીએ પ્રથમ પ્રયત્ને જ UPSCની પરીક્ષામાં 773મોં રેંક હાંસલ કરી લીધો.
Kerala: Pranjal Patil, India’s first visually challenged woman IAS officer takes charge as Sub Collector of Thiruvananthapuram. pic.twitter.com/opUn08uu6X
પ્રાંજલે મુંબઈના દાદર સ્થિત શ્રીમતિ કમલા મહેતા સ્કૂલમાં અભ્યાસ કર્યો છે. જો કે આ સ્કૂલ પ્રાંજલ જેવા વિશિષ્ટ બાળકો માટે જ હતી. જ્યાં બ્રેઈલ લિપિમાં અભ્યાસ થતો હતો. પ્રાંજલે એ શાળામાં 10મા ધોરણ સુધી અભ્યાસ કર્યો હતો. ત્યાર બાદ ચંદાબાઈ કોલેજમાંથી આર્ટસ્ ફેકલ્ટીમાં ધોરણ 12 પાસ કર્યું. 12મા ધોરણમાં પ્રાંજલે 85 % ટકા સાથે ઊત્તીર્ણ કર્યું. બી.એ.નો અભ્યાસ કરવા તેમણે મુંબઈની સેન્ટ ઝેવિયર્સ કોલેજમાં પ્રવેશ મેળવ્યો.
એક લેખ વાંચીને મનમાં IAS બનવાનું નક્કી કર્યું
ગ્રેજ્યુએશન દરમિયાન પ્રાંજલે પ્રથમવાર યુપીએસસીની પરીક્ષાઓ વિશે એક લેખ વાંચ્યો. તે પછી પ્રાંજલે યુપીએસસી વિશે માહિતી મેળવવાનું શરૂ કરી દીધું. જો કે તે વખતે પ્રાંજલે પોતાની ઈચ્છા જાહેર તો ન કરી પરંતુ મનમાં ને મનમાં આઈએએસ બનવાનું નક્કી કરી લીધું હતું.
યુપીએસસીની તૈયારી દરમિયાન પ્રાંજલે પ્રજ્ઞાચક્ષુ લોકો માટે બનાવેલું એક ખાસ સોફ્ટવેર `જોબ એક્સેસ વિદ સ્પીચ'ની પણ મદદ લીધી હતી. પ્રાંજલની એ મહેનતના ફળ સ્વરૂપે આજે દેશ એક પ્રજ્ઞાદ્રષ્ટીવંત મહિલા ઓફિસર મળ્યાનું ગૌરવ અનુભવી રહ્યો છે.