ઈન્ડિયા પોસ્ટ મીલ ડિલિવરી સર્વિસે ઈડલી અને ઢોસાના ખીરા સહિત ખાદ્યપદાર્થો બનાવવા માટેની તમામ આવશ્યક ચીજવસ્તુઓ તમારા ઘર સુધી પહોંચાડવાનું શરૂ કર્યું છે.
પોસ્ટ વિભાગે શરૂ કરી અનોખી સર્વિસ
બેંગલુરૂમાં નવી સેવા શરૂ
ઘરે બેઠા મંગાવો કોઈ પણ સામાન
આ રાજ્યમાં કરૂ નવી શરૂઆત
ભારતીય ટપાલ વિભાગે કર્ણાટકની રાજધાની બેંગલુરુમાં એક નવી સેવા શરૂ કરી છે. ટપાલ વિભાગે બેંગલુરુના કેટલાક ઘરોમાં પેકેટ પહોંચાડ્યા છે. આ નવી સેવામાં, ઇન્ડિયન પોસ્ટલ મીલ ડિલિવરી સર્વિસે ઇડલી અને ઢોસાનો લોટ સહિતની જરૂરી ખાદ્ય સામગ્રી તમારા ઘર સુધી પહોંચાડવાનું શરૂ કર્યું છે.
પાર્સલ ડિલિવરી
જો આ વ્યવસાયને કર્ણાટક અને અન્ય રાજ્યોમાં વિસ્તારવામાં આવે તો વિભાગને ભવિષ્યમાં મોટી આવક થશે. અત્યાર સુધી ઢોસાનુ ખિરૂ સહિત ઘી, પોંગલ ભોજન માટે મિશ્રણ, ચટણી પાઉડર, ઈડલી માટેના ખીરાની ડિલિવરી થઈ ચુકી છે. 22 પાર્સલમાંથી, સોમવાર સુધી બુક કરાયેલા 1 પાર્સલની ડિલિવરી નથી થઈ શકી. બાકીના પાર્સલ પૂર્વ બેંગલુરુ, દક્ષિણ બેંગલુરુ અને પશ્ચિમ બેંગલુરુના ઘરોમાં પહોંચાડવામાં આવ્યા છે.
તમે બિઝનેસ પાર્સલ કરો બુક
કર્ણાટક સર્કલ ચીફ પોસ્ટમાસ્ટર જનરલ (CPMG) એસ. રાજેન્દ્ર કુમાર કહે છે કે ખાદ્ય ચીજોની ડિલિવરી સમગ્ર બેંગલુરુમાં પ્રાયોગિક ધોરણે શરૂ થઈ ગઈ છે. તેમણે કહ્યું કે સોમવારે કુલ 22 પાર્સલ બુક કરવામાં આવ્યા હતા જેમાં બેટર અને વિવિધ ઇન્સ્ટન્ટ મિક્સ હતા. અમે હાલમાં તેમને બિઝનેસ પાર્સલ તરીકે બુક કરી રહ્યાં છીએ. ડિલિવરી એ જ દિવસે થશે, ભલે ડિપાર્ટમેન્ટ મુજબ નક્કી કરેલ સમય પૂર્ણ થાય. તેને હવે એક નાના પાયે શરૂ કરવામાં આવ્યું છે.
બેંગ્લોરમાં ટ્રાયલ સર્વિસ શરૂ
ટપાલ વિભાગે બેંગલુરુમાં એક નાની ફાસ્ટ ફૂડ ડિલિવરી સેવા શરૂ કરી દીધી છે. જો આગામી દિવસોમાં તેને સારો પ્રતિસાદ મળશે તો તેમાં વધારો પણ કરી શકાય છે. એસ. રાજેન્દ્ર કુમારે જણાવ્યું હતું કે ભવિષ્યમાં લોકો તરફથી સારી માંગ હશે તો ફૂડ ડિલિવરી માટે એક ખાસ ટીમની રચના કરવામાં આવી છે.