ધોરણ-12ના પરિણામ જાહેર થયા છે ત્યારે પરિક્ષામાં નાપાસ થતાં પોરબંદરની એક વિદ્યાર્થિનીએ આપઘાત કરવાનો પ્રયાસ કર્યો હતો. મળતી માહિતી મુજબ પોરબંદરના વિરડી ગામની આ વિદ્યાર્થિની ધો-12માં નાપાસ થઇ હતી.
વિદ્યાર્થીની નાપાસ થતાં ઘરમાં પડેલી ફિનાઈલ નામની ઝેરી દવા પી જીવન ટૂંકાવવાનો પ્રયાસ કર્યો હતો જોકે પરિવારને આ ઘટના અંગે જાણ થતાં જ વિદ્યાર્થિનીને તાત્કાલીક સારવારઅર્થે ખસડવામાં આવી હતી. મળતી માહિતી મુજબ સારવાર બાદ હાલ વિદ્યાર્થિની ખતરાથી બહાર છે પરંતુ હજુ તે સારવાર હેઠળ છે.
પરિણામ ખરાબ આવતા ઘણી જગ્યાએ પરિવારના ડરથી અને અન્ય કારણોસર ઘણા વિદ્યાર્થીઓ નાદાનીમાં આવી આત્મહત્યાના પ્રયાસો કરતા હોય છે જયારે પોરબંદરના વિરડી ગામની બાળાએ પણ આવુજ કઇક પગલું ભર્યું હતું જોકે તાત્કાલિત પરિવારને જાણ થતાં તેને સારવાર હેઠળ ખસેડવામાં આવી જેથી તેનો જીવ બચી ગયો.