ચૂંટણી / વડોદરા, વલસાડ બેઠક પર શાંતિપૂર્ણ મતદાન થાય તે માટે પોલીસ ઘડ્યો એક્શન પ્લાન

વડોદરા બેઠકના તમામ બુથો પર ઈવીએમ અને તમામ સામગ્રી સાથે કર્મચારીઓ ગોઠવાઈ ગયા. વિધાનસભાના અધ્યક્ષ રાજેન્દ્ર ત્રિવેદી બાજવાડા વિસ્તાર નાશ્રૈય સાધક સ્કુલમાં મતદાન કરશે. પરિવારના 14 સભ્યો સાથે 8 કલાકે મતદાન કરશે. વડોદરા બેઠકના 1286 મતદાન મથકો પર આવતીકાલે યોજાનાર મતદાન માટે તૈયારીઓને આખરી ઓપ આપી દેવામાં આવ્યો છે.
વલસાડ-ડાંગ બેઠકમાં પણ આવતીકાલે ચૂંટણી જંગ ખેલાઈ રહ્યો છે. ત્યારે વહીવટી તંત્ર સાથે પોલીસ વિભાગ પણ એલર્ટ મોડમાં આવી ગયું છે. જિલ્લામાં શાંતિપૂર્ણ મતદાન થાય તે માટે પોલીસ વિભાગે એક્શન પ્લાન ઘડી ઘડ્યો છે. આ બેઠક માટે 3300 પોલીસ જવાન અને હોમગાર્ડ 29 તૈનાત કરવામાં આવ્યા છે. તો આ બેઠકની હદ મહારાષ્ટ્ર, દમણ અને દાદરા નગર હવેલી સાથે જોડાયેલી છે જેથી 29 જેટલી ઈંટર સ્ટેટ ચેકપોસ્ટ ઉભી કરવામાં આવી છે.
તો વિસ્તારમાં 5 પેરામિલિટરી ફોર્સનો ચુસ્ત બંદોબસ્ત પણ ગોઠવાયો છે. તો સાથે સાથે સંવેદનશીલ વિસ્તારમાં ક્યુઆરટી ફોર્સ તૈનાત કરવામાં આવી છે. આમ વલસાડ જિલ્લામાં શાંતિ અને સલામતીના ભાગરૂપે પોલીસ અને મિલિટરીના જવાનો દ્વારા એક ફ્લેગ માર્ચ પણ યોજવામાં આવી હતી.