સોશ્યલ મીડિયા / PM મોદીએ ટ્વિટરમાં ફરી બનાવ્યો રેકોર્ડ, રતન ટાટાનું પણ આ ટ્વિટ ખૂબ લોકપ્રિય બન્યું

• પીએમ મોદીએ દીપની સાથે શેર કરી હતી તસવીર 
• આ ટ્વિટ બની ગઈ રાજકારણમાં સૌથી વધુ રિટ્વિટ થયેલ ટ્વિટ 
• બિઝનેસમાં  રતન ટાટાએ બનાવ્યો રેકોર્ડ 

સોશ્યલ મીડિયામાં છવાયા પીએમ મોદી 

કોરોનાકાળમાં પીએમ મોદીએ સ્વાસ્થ્યકર્મીઓ માટે બધાને દીવડાં પ્રજ્વલિત કરવા આગ્રહ કર્યો હતો ત્યારે તેમણે પોતે કરેલ આ ટ્વિટ ટ્વિટર ખૂબ છવાઈ ગયો અને રાજકારણમાં સૌથી વધારે રિટ્વિટ થયેલ ટ્વિટ બની ગયો આ ટ્વિટની સાથે તેમણે એક તસવીર પણ શેર કરી હતી. ટ્વિટરે મંગળવારે તેની જાહેરાત કરી છે. નોંધનીય છે કે પીએમ મોદીએ લોકોને રાત્રે નવ વાગ્યે નવ મિનીટ સુધી લાઈટ બંધ કરીને ટોર્ચ, ફ્લેશ લાઈટ અથવા દીવા પ્રજ્વલિત કરવા કહ્યું હતું. 

शुभं करोति कल्याणमारोग्यं धनसंपदा ।
शत्रुबुद्धिविनाशाय दीपज्योतिर्नमोऽस्तुते ॥ pic.twitter.com/4DeiMsCN11

— Narendra Modi (@narendramodi) April 5, 2020

રતન ટાટા પણ આગળ 

જેમ પીએમ મોદીના ટ્વિટે રાજકારણમાં રેકોર્ડ બનાવ્યો તેમ રતન ટાટાએ બિઝનેસ ક્ષેત્રમાં રેકોર્ડ બનાવ્યો. કોરોના વાયરસથી પ્રભાવિત લોકોને સપોર્ટ આપવા માટે તેમણે જે ટ્વિટ કર્યું હતું તે ટ્વિટ બિઝનેસમાં સૌથી વધુ વખત રિટ્વિટ થયેલ ટ્વિટ બન્યું. નોંધનીય છે કે તેમણે કોરોના વાયરસ સામે લડવા માટે 500 કરોડ રૂપિયાની મદદ કરવાનું એલાન કર્યું હતું.  

સુશાંત સિંહનો મુદ્દો પણ ખૂબ ટ્રેન્ડ થયો 

નોંધનીય છે કે આ વર્ષે ટ્વિટરમાં કોરોના વાયરસને છોડીએ તો સુશાંત સિંહ રાજપૂત અને હાથરસ પણ ખૂબ ચર્ચામાં રહ્યા. અભિનેતા વિજય દ્વારા લેવામાં આવેલ સેલ્ફી સૌથી વધુ રિટ્વિટ થયેલ ટ્વિટ છે.