ખાસિયત / PM મોદી 497 દિવસ બાદ વિદેશ પ્રવાસે, પ્રથમ વખત આનો કર્યો ઉપયોગ

• પીએમ મોદીએ પહેલીવાર VVIP વિમાનનો કર્યો ઉપયોગ 
• ઓકટોબર મહિના ગતવર્ષે ભારતને મળ્યું હતું આ વિમાન 
• અમેરિકાના રાષ્ટ્રપતિના વિમાન જેવી જ સુવિધા 

વડાપ્રધાન નરેન્દ્ર મોદી આજે બે દિવસના બાંગ્લાદેશ પ્રવાસે ઢાકા પહોંચ્યા જ્યાં તેમનું સ્વાગત બાંગ્લાદેશના પીએમ શેખ હસીનાએ કર્યું હતું ત્યારે લાંબા સમયગાળા બાદ આજે પીએમ મોદીના આ પ્રવાસમાં તેમના વિમાને સૌ કોઈનું ધ્યાન ખેંચ્યું. 

માત્ર ત્રણ વ્યક્તિઓ જ આ વિમાનનો કરી શકે છે ઉપયોગ 

આજે પીએમ મોડી પ્રથમવાર વિશેષરૂપથી નિર્મિત નવા VVIP પ્લેનમાં સવાર થયા હતા. આ વિમાનને એર ઈન્ડિયા વનના નામે ઓળખવામાં આવે છે. ગયા વર્ષે ઓકટોબર મહિનામાં બોઇંગ કંપનીએ ભારતને આ વિમાન સોંપ્યા હતા. 

મિસાઇલથી લેસ હોય છે વિમાન 

બે વિમાન ખાસ રાષ્ટ્રપતિ, પ્રધાનમંત્રી અને ઉપરાષ્ટ્રપતિ માટે જ બનાવવામાં આવ્યા છે. આ વિમાનમાં VVIP સુવિધાઓ તૈયાર કરવામાં આવી છે. આ વિમાનમાં મિસાઇલ સુરક્ષા પ્રણાલી છે. વિમાનમાં એવા ઉપકરણ લગાવવામાં આવ્યા છે જે મોટા મોટા હુમલાઓને નાકામ કરી શકે છે. વિમાન પર મિસાઇલ અટેકનો પણ કોઈ અસર નહીં થાય. 

અમેરિકાના રાષ્ટ્રપતિના વિમાન જેવી જ સુવિધા 

આ વિમાનમાં ક્વૉર્ટર, લેબ, ડાઈનિંગ રૂમ, મોટી ઓફિસ અને કૉંફરેન્સ રૂમ છે. મેડિકલ ઈમરજન્સી માટે પણ આ વિમાનમાં ખાસ સુવિધાઓ છે. આ વિમાનને જ્યારે લાંબો સફર ખેડવાનો હોય ત્યારે ઈંધણ માટે પણ ક્યાંય ઊતરવાની જરૂર નથી. આ વિમાનમાં બધી જ સિક્યોરીટી ફીચર્સ અમેરિકાના રાષ્ટ્રપતિના વિમાન એરફોર્સ વન જેવી જ છે.