મદદ / કોણ છે એ 99 વર્ષના ગુજરાતી બાપા જેમને ફોન કરીને PM મોદીએ ખબર અંતર પૂછ્યા?

• PM નરેન્દ્ર મોદીએ રત્નાબાપા સાથે ટેલિફોનિક વાતચીત કરી
• 99 વર્ષના છે પૂર્વ ધારાસભ્ય રત્નાબાપા 
• PM મોદીએ ટેલીફોનીક વાતચીત કરી ખબરઅંતર પૂછ્યા

પીએમ મોદીએ માળિયાહાટીના-મેંદરડાના પૂર્વ ધારાસભ્ય રત્નાબાપા સાથે ટેલિફોનિક વાતચીત કરી અને તેમના ખબર અંતર પૂછ્યા. માળિયાહાટીના-મેંદરડાના પૂર્વ ધારાસભ્ય રત્નાબાપા ઠુંમરે 17 એપ્રિલના રોજ કલેક્ટર કચેરીએ પોતાના મરણમૂડીના 51 હજાર કોરોના સામેની લડાઇમાં દાનમાં આપ્યા છે.

દિલ્હી સુધી પડ્યા પડઘા

રત્નાબાપાએ અધિક કલેક્ટરને પોતાનો દાનનો ચેક મુખ્યમંત્રી રાહત ફંડમાં અપર્ણ કર્યો હતો. રત્નાબાપાના દાનની વાત છેક દિલ્હી સુધી પહોંચી અને વડાપ્રધાન નરેન્દ્ર મોદીએ જૂનાગઢ રહેતા રત્નાબાપાના દીકરાને ફોન કરી વાત કરી હતી.

અમને યાદ કરો છો : PM

મોદીએ બાપાને કહ્યું કે અમને યાદ કરો છો તો બાપાએ કહ્યું યાદ તો કરીએને આજે આવેલી મહામારી સામે તમે લડી રહ્યા છો અને દેશની સેવા કરો છો. ત્યારે મોદીએ કહ્યું હતું કે, બાપા અમે તમને બહુ જ યાદ કરીએ છીએ.