ઉજવણી / VIDEO : જમ્મુમાં બોર્ડર પર જતી વખતે PM મોદીએ ફરી એક વખત એવું કર્યુ કે સૌ કોઈનું ધ્યાન ખેંચાયુ

• વડાપ્રધાન મોદીએ સેનાના જવાનોની સાથે ઉજવી દિવાળી
• PM Modi VIP રૂટ વગર દિલ્હીથી નિકળી જમ્મુ પહોંચ્યાં
• દિલ્હીના એક ટ્રાફિક સિગ્નલ પર વડાપ્રધાને ગાડી અટકાવી

VIP રૂટ વગર નિકળ્યો PM મોદીનો કાફલો

આજે સવારે જ્યારે તેઓ દિલ્હીથી જમ્મુ માટે રવાના થયા ત્યારે તેઓ કોઈ વીઆઈપી રૂટ વગર દિલ્હીથી નિકળ્યાં હતા. આ દરમ્યાન તેમનો કાફલો દિલ્હીના એક ટ્રાફિક સિગ્નલ પર રોકાયો હતો. વડાપ્રધાન મોદી જમ્મુમાંથી નિકળ્યાં તે વખતે દિલ્હીના રસ્તા પર તેમના કાફલા માટે કોઈ VIP રૂટ બનાવવામાં આવ્યો નહતો. વડાપ્રધાનનો કાફલો દિલ્હીના રસ્તા પરથી પસાર થયો. આ દરમ્યાન દિલ્હીના ટ્રાફિક સિગ્નલ પર વડાપ્રધાનનો કાફલો થોડા સમય સુધી રોકાયો હતો.

PM સેનાની સાથે ઉજવે છે દિવાળી 

દર વર્ષે પીએમ મોદી જવાનોની સાથે દિવાળીનો તહેવાર મનાવવા માટે દેશની સરહદ પર પ્રવાસ કરે છે. વડાપ્રધાન મોદી અગાઉ જમ્મુ-કાશ્મીર, ઉત્તરાખંડ અને બીજી જગ્યાઓ પર જવાનોની વચ્ચે દિવાળીની ઉજવણી કરી ચૂક્યા છે. વડાપ્રધાન બન્યાં બાદ નરેન્દ્ર મોદી સૈનિકોની સાથે પ્રથમ વખત 2014માં દિવાળી મનાવવા સિયાચિન ગયા હતા. 2016માં વડાપ્રધાને ઉત્તરાખંડના ચમોલી જિલ્લામાં ભારતીય-ચીન સરહદ પર માણામાં તૈનાત ભારતીય તિબેટીયન બોર્ડર પોલીસના જવાનોની સાથે દિવાળીની ઉજવણી કરી હતી.