જલ્દી કરો / ફટાફટ આ તારીખ પહેલાં પતાવી લો આ કામ, નહીં તો અટકી જશે PM કિસાનનો આગામી હપ્તો

• PM kisan યોજનાના લાભાર્થીઓ માટે કામના સમાચાર
• PM કિસાનનો હપ્તો મેળવવા 31 માર્ચ પહેલાં કરવું પડશે આ કામ
• જાણો કઇ રીતે કરાવી શકશો PM કિસાન ekyc

જો તમે પીએમ કિસાન યોજનાના લાભાર્થી છો તો આ સમાચાર ખાસ તમારી માટે છે. વાસ્તવમાં, સરકાર PM કિસાનનો હપ્તો હવે એ જ ખેડૂતોના ખાતામાં મોકલશે કે જેમણે Aadhaar ekyc કરવાનું કામ કર્યું હોય. આમ, કરવાથી તમારા 2000 રૂપિયા તમારા એકાઉન્ટમાં પહોંચી જશે. જો તમે આધાર ekyc નથી કરાવ્યું તો જલ્દીથી તે કરાવી લેજો. એ માટે તમારે ઘરની નજીક આવેલ પબ્લિક સર્વિસ સેન્ટર (CSC) પર જવું પડશે અને ત્યાં જઇને તુરંત આ કામ કરાવી લો.

આ લોકોનાં એકાઉન્ટમાં આવે છે પૈસા

તમને જણાવી દઇએ કે, જે ખેડૂતોએ આધાર ekyc કરાવવાનું કામ કર્યું છે તેઓનાં એકાઉન્ટમાં ડાયરેક્ટ બેનિફિટ ટ્રાન્સફર (DBT) ના આધારે તેમના એકાઉન્ટમાં પૈસા પહોંચી રહ્યાં છે. કેટલાંક ખેડૂતો એવાં પણ છે જેઓએ આમ કરાવતા દસ હપ્તા પણ તેઓને મળ્યાં છે. જે ખેડૂતો KYC સાથે નોંધણી કરાવે છે અને અરજી સબમિટ કરાવે છે, તેમના એકાઉન્ટમાં પ્રધાન મંત્રી કિસાન સન્માન નિધિ યોજના દ્વારા પૈસા આવે છે.

જાણો કઇ રીતે કરાવી શકશો PM કિસાન ekyc

સૌ પ્રથમ તમારા કમ્પ્યુટર પર PM કિસાનની સત્તાવાર વેબસાઇટ pmkisan.gov.in ઓપન કરો.

પેજની જમણી બાજુએ તમને eKYC નામનો વિકલ્પ દેખાશે કે જેને તમારે પસંદ કરવાની જરૂરિયાત છે.

હવે તમારો આધાર કાર્ડ નંબર અને કેપ્ચા કોડ એન્ટર કરો અને આધાર શોધો.

આધાર કાર્ડની ચકાસણી કરવા માટે તેની સાથે જોડાયેલ મોબાઈલ નંબર આપવાનું કામ કરો.

આગલા પેજ પર 'OTP મંગાવો' પર ક્લિક કરો અને પછી યોગ્ય ફોર્મમાં OTP એન્ટર કરો.

PM Kisan ekyc ની આ છે છેલ્લી તારીખ

તમને જણાવી દઇએ કે, 11મા હપ્તાના ભાગરૂપે ખેડૂતોના એકાઉન્ટમાં પૈસા આવવાના છે. 2000 રૂપિયા મેળવવા માટે ખેડૂતોએ 31 માર્ચ, 2022 પહેલાં PM કિસાન સન્માન નિધિ KYC પૂર્ણ કરવાની જરૂર છે. પીએમ કિસાન ઇ-કેવાયસી માટે પહેલેથી જ એક લિંક બનેલી છે. તમારે પ્રક્રિયા પૂર્ણ કરવા માટે તમારે સત્તાવાર વેબસાઇટના મુખ્ય પેજ પર જવું પડશે.

PM Kisan KYC: આ રીતે લાભાર્થીની સ્થિતિને ચેક કરો

• હવે તમે PM કિસાન સન્માન નિધિની સત્તાવાર વેબસાઇટ pmkisan.gov.in ને ઓપન કરો.
• ડ્રોપ-ડાઉન મેનુમાંથી 'લાભાર્થી સ્થિતિ' પસંદ કરવાનું કામ કરો.
• આધાર નંબર, બેંક એકાઉન્ટ નંબર અથવા તો ફોન નંબરને એન્ટર કરવાનું કામ કરો.
• 'ડેટા પ્રાપ્ત કરો'ને સિલેક્ટ કરો.
• હવે તમામ જાણકારી તમને સ્ક્રિન પર જ દેખાવા લાગશે.