પ્રહાર / રાહુલ ગાંધીએ કોરોનાને લઇને કેન્દ્ર સરકાર પર તાક્યું નિશાન, કહ્યું- પીએમ ચુપ છે, આત્મસમર્પણ કરી દીધું

રાહુલ ગાંધીએ ટ્વિટ કર્યું છે, કોરોના વાયરસ દેશના નવા વિસ્તારોમાં ઝડપથી ફેલાઇ રહ્યો છે. પ્રધાનમંત્રી ચુપ છે. પીએમ મોદીએ મહામારી સામે આત્મસમર્પણ અને તેની સામે લડવાને લઇને ઇન્કાર કરી દીધો છે. 

રાહુલ ગાંધીએ કોરોના વાયરસના મુદ્દા પર મોદી સરકાર પર એવા સમયે નિશાન તાક્યું છે જ્યારે દેશમાં સંક્રમિત દર્દીઓનો આંકડો 5,00,000 કરતા વધી ગયો છે. જ્યારે બીજી તરફ પ્રધાનમંત્રી નરેન્દ્ર મોદી પણ કહી ચૂક્યાં છે કે ખબર નહીં આ બિમારીથી ક્યારે મુક્તિ મળશે. 

Covid19 is spreading rapidly into new parts of the country. GOI has no plan to defeat it.

PM is silent. He has surrendered and is refusing to fight the pandemic.https://t.co/LUn2eYBQTg

— Rahul Gandhi (@RahulGandhi) June 27, 2020

પ્રધાનમંત્રી નરેન્દ્ર મોદીએ શુક્રવારના રોજ 'આત્મનિર્ભર ઉત્તર પ્રદેશ રોજગાર કાર્યક્રમ'ના લોન્ચિંગમા કહ્યું હતું કે ખબર નહીં કોરોનાથી ક્યારે મુક્તિ મળશે. કોરોના સંકટ પર પીએમ મોદીએ કહ્યું કે આગળ પણ કોઇને ખબર નથી કે આ મહામારીથી ક્યારે મુક્તિ મળશે.

આ મહામારીને એક દવા મને ખબર છે. આ દવા છે સોશિયલ ડિસ્ટન્સિંગ. આ દવા છે માસ્ક પહેરવું, ફેસકવર અથવા મફલર (ગમછો)ના ઉપયોગ કરવો. જ્યાં સુધી કોરોનાની વેક્સીન બનતી નથી, આપણે આ દવાથી જ તેને રોકી શકીએ છીએ.