મ્યાનમાર / પ્લેનનું આશ્ચર્યજનક લેન્ડીંગ, 82 યાત્રીઓ સહિત 7 ક્રૂ મેમ્બરનો આબાદ બચાવ 

પાયલટે પાછળના બે પૈડાની મદદથી લેન્ડીંગ કર્યુ અને જ્યારે પ્લેન લેન્ડીંગ થયુ ત્યારે રન વે પર પ્લેનનો આગળનો ભાગ ઘસડાતા આગના તણખા પણ ઉડ્યા હતા. મ્યાનમાર નેશનલ એરલાઈન્સનું એક વિમાન યૂબી 103ના આગળના પૈડા જામ થયા હતા. તો પાયલટે પાછળના પૈડાની મદદથી પ્લેન લેન્ડીંગ કર્યુ.

આ ઘટનામાં 82 યાત્રીઓ અને 7 ક્રૂ મેમ્બર્સનો આબાદ બચાવ થયો છે. ત્યારે આ પ્લેન લેન્ડીંગનો વીડિયો પણ સોશિયલ મીડિયામાં પણ ખૂબ વાયરલ થયો છે. ઉલ્લેખનીય છે કે, રશિયાની રાજધાનીમાં થોડા દિવસ અગાઉ જ એક પ્લેન લેન્ડીંગ દરમિયાન આગ લાગતા 41 લોકોનાં મોત થયા હતા.