- PF એકાઉન્ટમાંથી પૈસા ઉપાડી શકો છો
- તો માત્ર ત્રણ દિવસમાં તમારા બેન્ક એકાઉન્ટમાં પૈસા આવી શકે છે
- ફોલો કરો આ આ સ્ટેપ્સ
આર્થિક જરૂરિયાત પૂર્ણ કરવા માટે લોકો નોકરી કરે છે. નોકરિયાત વર્ગ સવારથી સાંજ કામ કરે ત્યારે મહિના પછી પગાર મળે છે. નોકરી કરતા હોય તેમનો PF પણ કાપવામાં આવે છે. આ એક પ્રકારનું પીએફ એકાઉન્ટ હોય છે, જેના પર વાર્ષિક વ્યાજ આપવામાં આવે છે. નોકરી મુક્યા પછી તમે આ પીએફ મેળવી શકો છો. હવે તમે નોકરી ચાલુ હોય ત્યારે પણ PF એકાઉન્ટમાંથી પૈસા ઉપાડી શકો છો. જો તમે પણ ચાલુ નોકરીએ પૈસા મેળવવા માંગો છો, તો માત્ર ત્રણ દિવસમાં તમારા બેન્ક એકાઉન્ટમાં પૈસા આવી શકે છે. જાણો કઈ રીતે?
તમે ‘કોવિડ ઓપ્શન’ PF એકાઉન્ટમાંથી પૈસા ઉપાડી શકો છો. તમારી જેટલી પણ રકમ જમા થઈ છે, તેમાંથી 75 ટકા રકમ ઉપાડી શકો છો અને ત્રણ દિવસમાં તમારા બેન્ક એકાઉન્ટમાં જમા થઈ જશે.
શું તમે પણ PF એકાઉન્ટમાંથી પૈસા ઉપાડવા માંગો છો? તો ફોલો કરો આ સ્ટેપ્સ.
- સૌથી પહેલા EPFOની અધિકૃત વેબસાઈટ unifiedportal-mem.epfindia.gov.in/memberinterface/ ની મુલાકાત લો.
- હવે UAN નંબર, પાસવર્ડ અને કેપ્ચા કોડથી લોગિન કરો.
- હવે UAN વાળા વિકલ્પમાં જઈને ‘ઓનલાઈન સર્વિસ’ વિકલ્પ પર ક્લિક કરો.
- હવે નીચેની તરફ ક્લેઈમ ઓપ્શન હશે, તેના પર ક્લિક કરો.
- હવે બેન્ક એકાઉન્ટ વેરિફાય કરો.
- હવે પીએપ એડવાન્સ ફોર્મ પર ક્લિક કરો.
- હવે પૈસા કાઢવાના ઓપ્શનમાં ‘કોવિડ એડવાન્સ’ વિકલ્પની પસંદગી કરો અને જેટલા પૈસા કાઢવા છે, તે એન્ટર કરો.
- હવે કેન્સલ ચેક અથવા પાસબુકની કોપી પીડીએફ ફોર્મેટમાં અપલોડ કરો.
- હવે મોબાઈલમાં આવેલ OTP એન્ટર કરો અને સબમિટ કરો.
