અમદાવાદ: પેટ્રોલ-ડીઝલની કિંમતમાં ફરી વધારો સતત વધતા ભાવથી લોકોમાં રોષ

અમદાવાદ: પેટ્રોલ ડીઝલના ભાવમાં છેલ્લા ઘણા સમયથી વધારો થઈ રહ્યો છે. ત્યારે આજે ફરી એક વખત પેટ્રોલ અને ડીઝલના ભાવમાં વધારો થયો છે. પેટ્રોલના ભાવમાં આજે 6 પૈસા અને ડીઝલના ભાવમાં 19 પૈસાનો વધારો થયો છે. 

ભાવ વધતા અમદાવાદમાં પેટ્રોલનો ભાવ 79 રૂપિયા 72 પૈસા પ્રતિલિટર પર પહોંચ્યો છે. જ્યારે અમદાવાદમાં ડીઝલનો ભાવ 78 રૂપિયા 72 પૈસા પ્રતિલિટર પર પહોંચ્યો છે. મહત્વનું છે કે કેન્દ્ર અને રાજ્યસરકાર દ્વારા મળીને પેટ્રોલના ભાવમાં 5 રૂપિયાનો ઘટાડો કરવામાં આવ્યો હતો. સરકારના ભાવ ઘટાડા બાદ સતત ભાવમાં વધારો થતા લોકોમાં રોષ જોવા મળી રહ્યો છે.
 

#PetrolDieselPriceHike ના ભાવમાં ફરી વધારો
ઘટાડાની જાહેરાત બાદ સતત વધી રહ્યાં છે ભાવ
પેટ્રોલમાં 6 પૈસા અને ડીઝલમાં 19 પૈસાનો વધારો
સતત વધતા ભાવથી લોકોમાં રોષ
તહેવારોના સમયમાં વધતા ભાવથી પ્રજા ત્રાહિમામ #FuelPriceHike pic.twitter.com/Hr31aLTpxn

— VTV Gujarati News (@VtvGujarati) October 14 2018

આપને જણાવી દઇએ કે કેન્દ્ર સરકારે ગુરુવારે પેટ્રોલ-ડિઝલના ભાવમાં રૂ. 1.5 એક્સાઈઝ ડ્યૂટી ઘટાડી હતી. તેલ કંપનીઓને 1 રૂપિયો અને રાજ્યોને 2.5  રૂપિયા સુધી ઘટાડવાની અપીલ કરી હતી.

ગુજરાત મહારાષ્ટ્ર સહિત ઘણાં રાજ્યોએ કેન્દ્ર સરકારની અપીલ પછી પેટ્રોલ-ડિઝલના ભાવ ઘટાડ્યા હતા.આમ શુક્રવારના દિવસે ઘણાં રાજ્યોમાં પેટ્રોલ-ડીઝલના ભાવમાં લીટર દીઠ રૂ. 5 સુધીનો ઘટાડો જોવા મળ્યો હતો. જોકે દિલ્હી સરકારે ભાવ ઘટાડવાની ના પાડી હતી. તેથી ત્યાં માત્ર રૂ. 2.5 સુધીનો ઘટાડો થયો હતો.