મોરબી જિલ્લાના હળવદ તાલુકાના લોકો ગેસ સિલિન્ડરની અછતથી પરેશાન થઇ રહ્યા છે. હળવદ તાલુકાના 66 ગામો વચ્ચે એકમાત્ર ગેસ એજન્સી કાર્યરત છે.
રાંધણગેસના બાટલાની રામાયણ
જરૂરિયાત કરતા અડધા સિલિન્ડર આવે છે
66 ગામો વચ્ચે એક જ એજન્સી કાર્યરત
મોરબીમાં રાંધણગેસના સિલિન્ડર મેળવવા માટે મુશ્કેલી
મોરબી જિલ્લાના હળવદ તાલુકામાં છેલ્લા ઘણા દિવસોથી રાંધણગેસના બાટલા મેળવવા માટે લોકોને પારાવાર મુશ્કેલીનો સામનો કરવો પડી રહ્યો છે અને લોકોને વહેલી સવારથી બાટલા લેવા માટે લાઇન લગાવીને બેસવું પડે છે. આમ હળવદ તાલુકાના 66 ગામો વચ્ચે એક જ ગેસની એજન્સી હોવાથી જરૂરિયાત પૂરી ન થતા લોકોને ભારે હાલાકીનો સામનો કરવો પડી રહ્યો છે.
66 ગામો વચ્ચે એક જ ગેસ એજન્સી કાર્યરત
હળવદમાં ભારત ગેસ કંપનીના ગ્રાહકોને છેલ્લા ઘણા દિવસથી રાંધણગેસના બાટલા ન મળતા હોવાથી લોકો હેરાન થઈ રહ્યા છે અને આ કંપનીમાં 26 હજાર ગ્રાહકો નોંધાયેલ છે જેની સામે દરરોજ બાટલાની જેટલી ડિમાન્ડ છે તે મુજબ ઉપરથી માલ આવતો નથી જેથી કરીને ગ્રાહકોને સમયસર બાટલા આપી શકાતા નથી
રોજિંદી 650 સિલિન્ડરની સામે માત્ર 300 સિલિન્ડર આવે છે
જેથી આજે પણ ભારત ગેસ કંપની પાસે ગેસના બાટલા લેવા માટે લોકો હેરાન થઈ રહ્યા છે. બીજી તરફ ગેસ એજન્સીના સંચાલકો જણાવ્યું હતું કે, અમારે દરરોજ 650 સિલિન્ડરની જરૂરિયાતની સામે 300 જેટલા સિલિન્ડર અમને ઉપરથી મોકલવામાં આવે છે.જેથી અમે લોકોની ડિમાન્ડ પુરી ન કરી શકતા નથી.અને જેને લઈને લોકોએ સિલિન્ડર લેવા માટે લાઇનમાં બેસવું પડે છે