નિયમ / ભારે કરી! વેક્સિન લીધા બાદ શારીરિક સંબંધ પર મુકાયો પ્રતિબંધ, જાણો એક્સપર્ટ્સે કેમ લીધો આવો નિર્ણય

• રશિયાના સ્વાસ્થ્ય અધિકારીઓનો નિર્ણય 
• ત્રણ દિવસ સુધી સેકસથી દૂર રહેવાની સલાહ 
• સૌથી ઓછું વેકસીનેશન કરતો દેશ

રશિયાના સ્વાસ્થ્ય અધિકારીઓનો નિર્ણય 
રશિયાના સ્વાસ્થ્ય અધિકારીઓએ લોકોને સલાહ આપી છે કે કોરોના વેક્સિન લીધા બાદ ઓછામાં ઓછા ત્રણ દિવસ સુધી સેકસથી દૂર રહે. ત્યાંના સ્વાસ્થ્ય મંત્રી ડૉક્ટર ડેનિસ ગ્રેફરે કહ્યું કે રશિયાએ સેકસની સાથે સાથે સેકસ કર્યા બાદ થતાં શારીરિક સ્ટ્રેસથી દૂર રહેવું જોઈએ. રશિયામાં પહેલા પણ વેક્સિન લીધા બાદ વૉડકા અને ધુમ્રપાન ન કરવા માટે અને નાસ ન લેવાના સૂચનો આપવામાં આવ્યા છે. 

કોરોના વાયરસની બે વેક્સિન બનાવી ચૂકેલ રશિયા હાલ દુનિયામાં હાલ સૌથી ઓછું વેકસીનેશન કરતો દેશ છે. રશિયામાં માત્ર 13 ટકા લોકોને જ વેક્સિનના બંને ડોઝ આપવામાં આવ્યા છે. બાકી જો યુરોપના દેશોની વાત કરીએ તો આ આંકડો 30 ટકાથી ઉપરનો છે. રશિયાની આ ધીમી વેકસીનેશન પ્રક્રિયાની આલોચના સમગ્ર દુનિયામાં થઈ રહી છે. 

ત્રણ દિવસ સુધી સેકસથી દૂર રહેવાની સલાહ 
ડૉક્ટર ડેનિસ ગ્રેફરે એક પ્રેસ કોનફેરેન્સમાં કહ્યું હતું કે "મારુ માનવું છે કે દરેક લોકો એ જાણે છે કે સેકસ કરવા માટે ઘણી બધી ઉર્જાની જરૂર પડે છે. એટલે આ સલાહ અમે એ લોકોને આપીએ છીએ કે જે લોકો વેક્સિન લીધા બાદ સ્વાસ્થ્યમાં કમજોરી અનુભવે છે. એટલે કે જે લોકો વેક્સિન લઈ રહ્યા છે તે લોકોએ ત્રણ દિવસ સુધી સેકસ અને બીજી શારીરિક ગતિવિધિઓથી દૂર રહેવું જોઈએ. 

સૌથી ઓછું વેકસીનેશન કરતો દેશ
રશિયા પોતાના નાગરિકોને સ્પૂતનિક વી વેક્સિન આપી રહ્યું છે. આ વેક્સિનના પણ બે ડોઝ લેવાના હોય છે. રશિયાની આ વેક્સિનને પણ હજી WHOની માન્યતા મળી નથી. પણ અલગ અલગ દેશોમાં કરવામાં આવેલ સર્વે મુજબ આ વેક્સિનની અસર બીજી બધી વેક્સિનની જેમ સારી છે. અત્યાર સુધીમાં ભારત સહિતના 67 દેશોમાં આ વેક્સિનની મંજૂરી મળી ગઈ છે.