દંડ / 5 મોબાઇલ વૉલેટ કંપનીઓ પર લાગ્યો 6.10 કરોડ રૂપિયાનો દંડ

ભારતીય રિઝર્વ બેન્ક (RBI) ના નિયમોનું ઉલ્લંઘન કરવા પર પાંચ મોબાઇલ વૉલેટ કંપનીઓ પર 6.10 કરોડ રૂપિયાનો દંડ ફટકારવામાં આવ્યો. તેમાં સૌથી વધારે 3.05 કરોડનો દંડ વોડાફોન એમ-પૈસા પર લગાવવામાં આવ્યો છે. ઉપરાંત ફ્લિપકાર્ટના સ્વામિત્વ વાળી ફોન પે, માઇ મોબાઇલ પેમેન્ટ લિમિટેડ, જીઆઇ ટેક્નોલોજી પ્રાઇવેટ લિમિટેડ અને વાઇ કેશ સોફ્ટવેયર સોલ્યૂશન વિરુદ્ધ કાર્યવાહી કરવામાં આવી છે. 

આરબીઆઇની ડેપ્યૂટી જનરલ મેનેજર શૈલજા સિંહ અનુસાર આ કાર્યવાહી પેમેન્ટ એન્ડ સેટલમેન્ટ સિસ્ટમ એક્ટ 2007 હેઠળ કરવામાં આવી છે. પાંચ કંપનીઓને નિયમોના પાલન ન કરવા પર દંડ ફટકારવા માટે 3 મે નોટિફિકેશન જાહેર કરાયું હતું. વોડાફોન તરફથી કહેવામાં આવ્યું છે કે આ કાર્યવાહી જુના મામલાને લઇને કરવામાં આવી તથા કંપનીએ દંડ ચૂકવી દીધો છે.
બે અમેરિકી કંપનીઓને પણ 40 લાખનો દંડ

આરબીઆઇએ વેસ્ટર્ન યૂનિયન ફાઇનેન્શિયલ સર્વિસિસ અને મનીગ્રામ પેમેન્ટ સિસ્ટમ નામથી બે અમેરિકી ફર્મ પર પણ દંડ ફટકાર્યો છે. બંને પર ક્રમશ 29.66 અને 10.11 લાખ રૂપિયાનો દંડ ફટકારવામાં આવ્યો. ઉપરાંત માઇ મોબાઇલ પેમેન્ટને 1 કરોડ, ફ્લિપકાર્ડ ફોનપે પર 1 કરોડ, વાઇ કેશ સોફ્ટવેયર પર 5 લાખ, વોડાફોન એમ-પૈસા પર 3.05 કરોડ, જીઆઇ ટેક્નોલોજીને 1 કરોડ દંડ ફટકારવામાં આવ્યો.