બેદરકારી / શું ફ્લાઈટમાં મુસાફરી કરવી જોખમી? આ ફ્લાઈટનો મુસાફર કોરોનાગ્રસ્ત નીક્ળ્યો, પ્રવાસ પુર્ણ થયા બાદ થઈ જાણ

• ચેન્નાઈથી કોઈમ્બતુરની ઈન્ડિગોની ફ્લાઈમાં કોરોનો દર્દી
• મુસાફરે તમામ સાવચેતીના પગલા ભર્યા હતા
• કેસ સામે આવતા મુસાફરો અને સ્ટાફના શ્વાસ અધ્ધર
• એર ઈન્ડિયાની દિલ્હી- લુધિયાણાની ફ્લાઈટમાં પણ એક પોઝિટિવ કેસ

ઉડ્ડયન કંપની ઈન્ડિગોએ જણાવ્યું છે કે સોમવારે ચેન્નાઇથી કોઈમ્બતુરની ફ્લાઇટમાં મુસાફરી કરનારી એક મુસાફર COVID-19નો દર્દી હોવાનું જાણવા મળ્યું છે. કંપનીએ મંગળવારે એક નિવેદનમાં જણાવ્યું હતું કે, "કોઈમ્બતુર એરપોર્ટના ડોક્ટરે પુષ્ટિ  કરી છે કે 25 મેની સાંજે 6E 381 થી ચેન્નઈથી કોઈમ્બતુર જઇ રહેલા મુસાફરને કોવિડ -19 ચેપ લાગ્યો છે."

હાલમાં દર્દીને કોઈમ્બતુરની ઇએસઆઈ સ્ટેટ મેડિકલ ફેસિલિટીમાં ક્વોરેન્ટેઇન કરવામાં આવ્યો છે.  નિવેદનમાં કહેવામાં આવ્યું છે કે, "તેને વિમાનમાં ચહેરો માસ્ક, ફેસ શીલ્ડ અને ગ્લોવ્ઝ સહિતની તમામ સાવચેતી પગલા સાથે બેઠો હતો." આ સિવાય તેની આસપાસ કોઈ અન્ય મુસાફરો બેઠા ન હતા, જેના કારણે ચેપ ફેલાવાની સંભાવના ઘણી ઓછી છે.

નિવેદનમાં જણાવ્યા અનુસાર ઈન્ડિગોના તમામ વિમાનોની નિયમિત ધોરણે ઓપરેટિંગ પ્રક્રિયા હેઠળ સેનેટાઈઝ કરવામાં આવે છે અને તાત્કાલિક પ્રોટોકોલ મુજબ આ વિમાનને પણ  સેનેટાઈઝ કરવામાં આવ્યું હતુ.

એર ઈન્ડિયાની દિલ્હી- લુધિયાણાની ફ્લાઈટમાં પણ એક પોઝિટિવ કેસ

One passenger on today's AI9I837 Delhi-Ludhiana flight has been found #COVID19 positive. The passenger who works in the security department of Alliance Air was traveling on a paid ticket. All the passengers of this flight are now under state quarantine: Air India pic.twitter.com/KlwF9g64Mc

— ANI (@ANI) May 26, 2020

બીજી તરફ એર ઈન્ડિયાના વિમાનમાં પ્રવાસ કરી રહેલ એક વ્યક્તિ કોરોના પોઝિટિવ આવ્યો છે.  એર  ઈન્ડિયા તરફથી કહેવામાં આવ્યું છે કે 26 મેના રોજ દિલ્હી- લુધિયાણા AI9I837 ફ્લાઈટમાં પ્રવાસ કરી રહેલો પ્રવાસી કોરોના પોઝિટિવ હોવનું જાણવા મળ્યું છે. 

એર ઈન્ડિયાએ પોતાના નિવેદનમાં જણાવ્યું છે કે સંક્રમિત  પ્રવાસી એરલાઈન્સના સુરક્ષા વિભાગમાં કામ કરે છે. તે પેડ ટિકિટ પર પ્રવાસ કરી રહ્યો હતો. તે વ્યક્તિ કોરોના પોઝિટિવ જોવા મળ્યો છે. આ બાદ તમામ પ્રવાસીઓને ક્વોરેન્ટાઈન કરવામાં આવ્યા છે. બાકીના સહપ્રવાસીનો રિપોર્ટ નેગેટિવ આવ્યો છે.