પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા સાથે રોકા થવા જઈ રહ્યા છે જેમાં પ્રિયંકા ચોપરા અને નિક જોનાસ પણ સામેલ થશે.
પરિણીતી ચોપરા અને રાઘવ ચઢ્ઢા સવારે મુંબઈ પહોંચી ગયા
પ્રિયંકા ચોપરા પણ આખા પરિવાર સાથે મુંબઈ આવી છે
રિપોર્ટ અનુસાર જલ્દી જ બંનેના રોકા થવા જઈ રહ્યા છે
બોલિવૂડ અભિનેત્રી પરિણીતી ચોપરા અને રાજ્યસભા સાંસદ રાઘવ ચઢ્ઢાના લગ્નના સમાચાર છેલ્લા કેટલાક દિવસોથી સોશિયલ મીડિયા પર છવાયેલા છે. એ સમાચાર વચ્ચે આજે પરિણીતી ચોપરા અને રાઘવ ચઢ્ઢા સવારે મુંબઈ પહોંચી ગયા છે. જણાવી દઈએ કે પ્રિયંકા ચોપરા તેમના લગ્નના સમાચાર વચ્ચે આખા પરિવાર સાથે મુંબઈ આવી છે.
હાલ પરિણીતી અને રાઘવને ફરી એકવાર એકસાથે જોઈને બંનેના લગ્ન થવાના સમાચારને વધુ હવા મળી છે. મળતી માહિતી મુજબ ખૂબ જ જલ્દી પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા સાથે રોકા થવા જઈ રહ્યા છે જેમાં પ્રિયંકા ચોપરા અને નિક જોનાસ પણ સામેલ થશે.
પરિણીતી ચોપરા લગ્નના અહેવાલો વચ્ચે બોલીવુડના પ્રખ્યાત ડિઝાઈનર મનીષ મલ્હોત્રાના ઘરની બહાર ઘણી વખત જોવા મળી હતી. જે બાદ એવું લાગે છે કે પરિણીતી તેના લગ્નના આઉટફિટ મનીષ મલ્હોત્રા દ્વારા જ ડિઝાઈન કરી રહી છે. જણાવી દઈએ કે કિયારા અડવાણી અને આલિયા ભટ્ટે પણ તેમના લગ્નમાં મનીષ મલ્હોત્રા દ્વારા ડિઝાઈન કરેલા આઉટફિટ્સ પહેર્યા હતા.