વડોદરામાં ખાનગી શાળાઓથી વાલીઓ પરેશાન, પોતાનાં બાળકોને ખાનગી શાળામાંથી ઉઠાડીને સરકારી સ્કૂલોમાં કરાવી રહ્યા છે પ્રવેશ
વડોદરામાં ખાનગી શાળાઓથી વાલીઓ પરેશાન
વાલીઓ ખાનગી શાળા છોડી સરકારી તરફ વળ્યા
5305 વિદ્યાર્થીઓનો સરકારી શાળામાં પ્રવેશ
સરકારી શાળા નામ સાંભળતા જ આપણા નાકનું ટીચકું ચડી જાય પરતું ગુજરાતમાં સરકારી શાળાઓ હવે આધુનિક અને સુવિધાઓથી સજ્જ બની રહી છે ત્યારે વાલિઓ પોતાનાં બાળકોને ખાનગી શાળામાંથી ઉઠાડીને સરકારી સ્કૂલોમાં બેસાડી રહ્યાં છે, કારણ છે કે સરકારી સ્કૂલોમાં ભણાવવાનું સ્તર સુધર્યુ છે. અત્યાર સુધી એવું કહેવામાં આવતું હતું કે ખાનગી શાળાનું શિક્ષણ સારું છે અને સુવિધાઓ પણ સારી મળી રહી છે. જો કે હવે ખાનગી શાળાઓમાં શિક્ષણનાં નામે લૂંટ ચલાવવામાં આવતા વડોદરામાં વાલીઓ બાળકોના ખાનગીમાંથી સરકારીમાં પ્રવેશ કરાવી રહ્યા છે
વાલીઓ ખાનગી શાળા છોડી સરકારી તરફ વળ્યા
વડોદરામાં 2017-18માં માત્ર 417 વિદ્યાર્થીઓએ સરકારીમાં પ્રવેશ લીધો હતો ત્યારે ચાલુ વર્ષે 5305 વિદ્યાર્થીઓએ સરકારી શાળામાં પ્રવેશ લીધો છે જે બતાવે છે કે અગાઉના વર્ષે કરતા શિક્ષણ સમિતિની શાળામાં પ્રવેશનો રેકોર્ટ તૂટ્યો છે. એટલું જ નહીં ધોરણ 1માં પણ પ્રવેશ લેનાર બાળકોની સંખ્યમાં વધારો થયો છે. ખાનગી શાળાના સંચાલકો ઉંચી ફી વસુલે છે અને અવાર નવાર સંચાલકોની મનમાની સામે આવતી હોય છે ત્યારે હવે વાલીઓ પોતાના બાળકો માટે ખાનગી નહી પરતું સરકારી શાળાઓ પસંદ કરી રહ્યા છે. .
5305 વિદ્યાર્થીઓનો સરકારી શાળામાં પ્રવેશ
ખાનગી શાળાઓની મનમાની અને દાદાગીરી તો વધી રહી જ છે. સાથે-સાથે દર વર્ષે ફીમાં પણ વધારો કરતી જઈ રહી છે. જ્યારે બીજી તરફ સરકારી શાળાઓ હવે આધુનિક અને સુવિધાઓથી સજ્જ બની રહી છે. જેના કારણે વાલીઓ હવે ખાનગી છોડી સરકારીમાં પોતાના સંતાનોનું એડમિશન લઈ રહ્યા છે.