કેટલાંક લોકો શરીરમાં નાની-મોટી સમસ્યા થવાથી જાતે જ પોતાની સારવાર કરવામાં લાગી જાય છે. ઘણી વખત આ ઉપાય એટલા અસરકારક સાબિત થાય છે, તો અમુક વખત એવુ થાય છે કે એવા લોકોને લેવાના દેવા થાય છે. પાકિસ્તાનમાં એક આવો મામલો સામે આવ્યો છે, જે અત્યારે સોશિયલ મીડિયામાં ચર્ચાનો વિષય બન્યો છે.
પાકિસ્તાનમાં એક શખ્સે પોતાના લિંગમાં ઈલેક્ટ્રીક કેબલ ઘુસાડ્યો
પેશાબ કરવામાં થતી મુશ્કેલીને દૂર કરવા કર્યુ આવુ કામ
ખરેખર અહીં એક શખ્સે પેશાબ કરવામાં થતી મુશ્કેલીને દૂર કરવા માટે જાતે જ તેની સારવાર શરૂ કરી દીધી. તેણે પોતાના લિંગમાં ઈલેક્ટ્રીક કેબલ ઘુસાડી દીધો. આનાથી સમસ્યા ઉકેલવાની જગ્યાએ તેનો જીવ જોખમમાં મુકાઈ ગયો. મીડિયા રિપોર્ટ મુજબ, પાકિસ્તાનમાં રહેતા 64 વર્ષીય એક શખ્સ છેલ્લાં થોડા દિવસોથી પેશાબની સમસ્યાથી ઝઝૂમી રહ્યો હતો. પોતાની આ સમસ્યાને દૂર કરવા માટે તેણે મગજ લગાવ્યું અને જાતે જ તેની સારવારમાં જોડાઈ ગયો. તેણે તેના માટે 18 સેન્ટિમીટર લાંબા તારને પોતાના મુત્રમાર્ગમાં નાખ્યો તેથી બધા અવરોધ હટી જાય. પરંતુ તાર અંદર જઇને ફસાઇ ગયો. જેનાથી તેની સ્થિતિ બગડી ગઇ.
ભારે જહેમત બાદ તબીબોની ટીમે તાર કાઢ્યો
આ શખ્સને તાત્કાલિક કરાચીના અબ્બાસી શહીદ હોસ્પિટલમાં દાખલ કરવામાં આવ્યો. ડૉકટરોએ તાત્કાલિક તેનો એક્સરે કરાવ્યો. એક્સરે જોઇને ખબર પડે છે કે તાર પેશાબની નળીથી લઇને મૂત્રાશય સુધી અટકેલો છે. હવે ડૉકટરોએ તેની સારવાર શરૂ કરી. પહેલા તો તબીબોએ તાર જોવા માટે તે શખ્સના મૂત્રમાર્ગમાં એક કેમેરો નાખવાની યોજના બનાવી. પરંતુ તેને શરૂઆતમાં જ તાર દેખાઈ ગયો. ત્યારબાદ તબીબોની ટીમે ચિમટીથી તાર નિકાળી લીધો.
કેબલની લંબાઈ અંદાજે 18 સેન્ટીમીટર હતી
ડૉકટરોએ જણાવ્યું કે આ શખ્સે જે તાર પોતાના લિંગમાં નાખ્યો હતો. તેની લંબાઈ લગભગ 18 સેન્ટીમીટર હતી. લંબાઈ વધુ હોવાના કારણે અમારી પણ ચિંતા વધી હતી. જ્યારે તારને લિંગમાંથી બહાર નિકાળ્યો તો તેને લિંગમાંથી કોઈ પણ પ્રકારની બ્લીડિંગ થઇ નથી. તબીબોનુ કહેવુ છે કે લોકોએ આ પ્રકારની હરકત ના કરવી જોઈએ.