દિલ્હી: અમેરિકાએ પાકિસ્તાનને અપાતી સૈન્ય સહાય પર રોલ લગાવતા પાકિસ્તાન ભળકી ઉઠયું છે. પાકિસ્તાન સૈન્ય સહાયના મુદ્દે અમેરિકા સાથે કોઈપણ પ્રકારની વાતચીત પણ કરવા માગી રહ્યું નથી. જે વાતનો ખુલાસો પાકિસ્તાનના રાજદૂત અહેમદ ચૌધરીએ કર્યો છે.
પાકિસ્તાની રાજદૂતે જણાવ્યું કે પાકિસ્તાન તરફથી સૈન્ય સહાય મુદ્દે ટ્રમ્પ પ્રશાસન સાથે કોઈપણ પ્રકારની વાતચીત કરવામાં આવી નથી. હકીકત તો એવી છે કે અમેરિકા પાસેથી મળતી મદદની પાકિસ્તાનને જરૂર નથી. પાકિસ્તાનને માત્ર આદર અને ગૌરવની જરૂર છે.
આપને જણાવી દઇએ કે પાકિસ્તાનને મળતી સહાય અમેરિકાએ અટકાવી દીધી છે તે વાતનો પાકિસ્તાન સ્વિકાર પણ કરે છે. પાક.ના રાજદૂતે માધ્યમો સાથે વાતચીત કરતા જણાવેલ કે પાકિસ્તાન આતંકના ખાત્મા માટે રાત-દિવસ કામ કરી રહ્યું છે. હવે આ મુદ્દા પર અમેરિકન સરકારને જોવાનું છે કે તે શું નિર્ણય લે છે.
આપને જણાવી દઈએ કે જાન્યુઆરીમાં અમેરિકાના રાષ્ટ્રપતિ ડોનાલ્ડ ટ્રંપે પાકિસ્તાનને આપવામાં આવતી નાણાકીય મદદ પર રોક લગાવવાની જાહેરાત કરી હતી. જે બાદ અમેરિકાએ પાકિસ્તાનને મળવા પાત્ર 1624 કરોડની સૈન્ય સહાય પર પણ રોક લગાવી દીધી હતી. આ મામલે ટ્રંપે જણાવેલ કે મોટી રકમ મામલે પાકિસ્તાને માત્ર અમેરિકાએ છેતરપિંડી જ કરી છે. આ કારણોસર જ પાકને આપવામાં આવતી સેનાની મદદ પર પ્રતિબંધ લાદવામાં આવ્યો છે.