ઉત્તરપ્રદેશ / ઔવેસીએ કહ્યું મુસલમાનોને નથી મળી રહ્યાં PM આવાસમાં મકાનો, CM યોગીએ જુઓ શું આપ્યો જવાબ

• ઉત્તર પ્રદેશમાં વિધાન સભા ચૂંટણીના પડઘમ 
• અસદુદ્દીન ઓવૈસીના મુખ્યમંત્રી યોગી આદિત્યનાથ પર પ્રહાર 
• યોગી આદિત્યનાથે આપ્યો વળતો જવાબ 

ઉત્તર પ્રદેશ વિધાન સભા ચૂંટણી આવી રહી છે. ત્યારે હવે વિરોધ પક્ષોએ ભાજપને હરાવવા માટે કમર કસી છે. 

ઓલ ઈન્ડિયા મજલિસ-એ-ઇત્તેહાદુલ મુસ્લિમીન (AIMIM) ના પ્રમુખ અસદુદ્દીન ઓવૈસી સતત મુખ્યમંત્રી યોગી આદિત્યનાથ અને ભાજપ પર પ્રહારો કરી રહ્યા છે. ઓવૈસીએ ફરી એક વખત આરોપ લગાવ્યો છે કે સરકાર મુસ્લિમો સાથે ભેદભાવ કરી રહી છે. 

તો સામે મુખ્યમંત્રી યોગી આદિત્યનાથે પન ઓવૈસીના આરોપોનો જવાબ આપ્યો હતો.

'તમે અબ્બા જાન કેમ કહ્યું?'
ઓલ ઇન્ડિયા મજલિસ-એ-ઇત્તેહાદુલ મુસ્લિમીન (AIMIM) ના પ્રમુખ અસદુદ્દીન ઓવૈસીએ સરકાર પર નિશાન સાધતા કહ્યું કે મુસ્લિમોને પ્રધાનમંત્રી આવાસ યોજનાનો લાભ મળી રહ્યો નથી. 

બહરાઈચમાં એક સભાને સંબોધતી વખતે ઓવૈસીએ ભેદભાવનો આરોપ લગાવ્યો અને કહ્યું, 'યોગીજી, જો તમે ભેદભાવ નથી જ કરતાં તો પછી તમારા મોમાંથી' અબ્બા જાન 'શબ્દ કેમ નીકળ્યો? પ્રધાનમંત્રી આવાસ યોજના હેઠળ કયા મુસ્લિમને મકાન આપવામાં આવ્યું હતું, તેના દસ નામ પણ આપી દો. આ સાથે, ઓવૈસીએ કહ્યું હતું કે, મુસ્લિમો ઉત્તર પ્રદેશમાં અભ્યાસ કરી શકતા નથી, તો એના માટે પણ શું ઓવૈસી જવાબદાર છે?

યોગીનો વળતો જવાબ 
સામે યોગીએ પણ વળતો જવાબ આપતા કહ્યું હતું કે મોદીજીનો સંકલ્પ છે કે સૌનો સાથ સૌનો વિકાસ, પીએમ આવાસ યોજનાનો ફાયદો કોઈનો ચેહરો જોઈને નથી મળતો. તેમણે કહ્યું હતું કે મોદીજી મહિલાઑ માટે ઇજ્જત ઘર બનાવવાનું કામ કરી રહ્યા છે. અગાઉ દીકરીઓ સાથે ભેદભાવ થતો હતો. અમારી સરકાર આના વિરુદ્ધ ભેદભાવ ખતમ કરવા માંગે છે. દિકરીઓના લગ્ન માટે અમે યોજના બનાવી અને 751 કરોડ રૂપિયા ખેડૂતોને આપ્યા. અનેક લોકો આ યોજનાઓનો લાભ લઈ રહ્યા છે.