મહારાષ્ટ્રના નાસિકથી નીકળેલા હજારો ખેડૂતોનો મોરચો રવિવારે મુંબઇ પહોંચી ગયો હતો. થાણેના રસ્તે ખેડૂતો હવે મુંબઈમાં વિધાનસભા ભવન પહોંચવાની તૈયારી કરી રહ્યા છે. સોમવારે એટલે કે આજે વિધાનસભાને ઘેરવાની યોજના છે. આ દરમિયન પ્રદર્શનને જોતા મહારાષ્ટ્ર સરકાર પણ એક્શનમાં આવી ગઈ છે. બીજી તરફ પોતાની માગોને લઈને મુંબઈ પહોંચેલા ખેડૂતોને રાજકીય પાર્ટીઓનું પણ સમર્થન મળવાનું શરૂ થઈ ગયું છે.
શિવસેના પછી મહારાષ્ટ્રની નવનિર્માણ સેનાએ પણ ખેડૂતોના મોરચાને સમર્થન આપ્યું છે.
આ પહેલા રવિવારે શિવસેના અધ્યક્ષ ઉદ્ધવ ઠાકરેના દીકરા અને યુવા સેનાના અધ્યક્ષ આદિત્ય ઠાકરેએ ખેડૂતો સાથે મુલાકાત કરી અને તેમની માગો વિશે વાતચીત કરી. ઉલ્લેખનીય છે કે કોંગ્રેસે પહેલા જ આ મોરચાને સમર્થન આપી દીધું છે આ સાથે જ આમ આદમી પાર્ટીના નેતા પણ ખેડૂતો સાથે મુલાકાત કરવાના છે.
મહારાષ્ટ્ર સરકારે બનાવી કમિટી:
સીએમઓ સૂત્રોના જણાવ્યા મુજબ ખેડૂતોની માગો પર વિચાર કરવા માટે મહારાષ્ટ્ર સરકારે એક કમિટી બનાવી છે જેમાં છ મંત્રી સામેલ છે. આ મંત્રીઓ છે- ચંદ્રકાંત પાટિલ પાંડુરંગ ફુંડકર ગિરીશ મહાજન વિષ્ણુ સવારા સુભાષ દેશમુખ અને એકનાથ શિંદે.
આઝાદ મેદાન પર જ રોકી દેવાની તૈયારી:
આંદોલનકારી ખેડૂતો સોમવારે વિધાનસભા જઈ પોતાની માગ રજૂ કરશે. જોકે પોલીસનું કહેવું છે કે ખેડૂતોને આઝાદ મેદાન પર જ રોકી દેવાશે. બીજી તરફ સોમવારે ખેડૂતોના વિધાનસભા ઘેરાવને લઈને પોલીસે પણ પોતાની તૈયારીઓ ઝડપી કરી દીધી છે.
ટ્રાફિક ડાયવર્ટ કરાયો:
રવિવારે પણ પોલીસે ટ્રાફિક ડાયવર્ટ કર્યો. સવારે નવ કલાકથી રાત્રે 10 કલાક સુધી ઈસ્ટર્ન એક્સપ્રેસ હાઈવેથી દક્ષિણ તરફ જતા માર્ગ પર આનંદ નગર ટોલ નાક મુલુંડથી સોમૈયા મેદાન અને સાયન સુધી ભારે વાહનો પર પ્રવેશ બંધી લગાવી દેવાઈ હતી. થાણેથી મુંબઈ શહેર સુધી આવતા ભારે વાહનો અને માલવાહક વાહનોને કલવા વિટાવા એરોલી અને વાશી ખાડી પુલ માર્ગથી ડાયવર્ટ કરી દેવાયા.
ખેડૂતોને વિપક્ષનું સમર્થન:
મીડિયા રિપોર્ટ્સ અનુસાર લગભગ 30000 જેટલા ખેડૂતો નાસિકથી મુંબઇ પહોંચ્યા છે. દેવા માફીની સાથે પોતાની અન્ય માંગોને લઇને ખેડૂતોનો આ મોરચો સોમવારે વિધાનસભાનો ઘેરાવો કરી શકે છે. ત્યારે ખેડૂતોના આ મોરચમાં વિપક્ષ પણ સરકારને ઘેરવાની તૈયારીમાં છે આ કારણથી વિપક્ષે પણ મોરચાને સમર્થન આપવાનું શરૂ કરી દીધું છે. ખેડૂત સભાના અધ્યક્ષ અનુસાર મોરચાને શિવસેના એમએનએસ આપ રિપબ્લિકન પાર્ટી (જોગેન્દ્ર કવાડે ગુટ) કુણબી સેના આગરી સેનાએ સમર્થન આપ્યુ છે.