કેરલમાંથી મંકીપોક્સનો વધુ એક કેસ સામે આવ્યો છે. આ વાતની જાણકારી રાજ્યના સ્વાસ્થ્ય મંત્રી વીના જોર્જે આપી છે.
ભારતમાં કોરોના બાદ મંકીપોક્સની પણ એન્ટ્રી થઈ ગઈ છે
કેરલમાં ત્રીજો કેસ પણ સામે આવ્યો
દિલ્હીની એક ટીમ કેરલમાં રવાના થઈ
કેરલમાંથી મંકીપોક્સનો વધુ એક કેસ સામે આવ્યો છે. આ વાતની જાણકારી રાજ્યના સ્વાસ્થ્ય મંત્રી વીના જોર્જે આપી છે. સંક્રમિત શખ્સ યુએઈથી મલ્લપપુરમ આવ્યો છે. તેની સાથે જ રાજ્યમાં આ ત્રીજો કેસ થઈ ગયો છે. ભારતમાં મંકીપોક્સનો પ્રથમ કેસ 14 જૂલાઈએ આવ્યો હતો. સંયુક્ત અરબ અમીરાતથી પાછા આવેલા 35 વર્ષિય શખ્સમાં મંકીપોક્સ હોવાનું પુષ્ટિ થઈ હતી. ત્યાર બાદ એક ઉચ્ચ સ્તરિય કેન્દ્રીય ટીમ કેરલ મોકલવામા આવી હતી. આ ટીમને સ્વાસ્થ્ય ઉપાયો લાગૂ કરવા માટે રાજ્યના અધિકારીઓની મદદ કરવાની જવાબદારી આપવામા આવી હતી. કેરલ સરકારે ત્યાર બાદ એક્શન લેતા 14 જિલ્લામાં એલર્ટ જાહેર કર્યું હતું. તેની સાથે જ રાજ્યના ચારેય હવાઈ અડ્ડા પર હેલ્પ ડેસ્ક બનાવી દેવામાં આવ્યું છે. પણ 13 જૂલાઈએ દુબઈથી કન્નૂર પહોંચેલા 31 વર્ષ એક વ્યક્તિમાં મંકીપોક્સ સંક્રમણનો બીજો કેસ સામે આવ્યો છે, જેની પુષ્ટિ 18 જૂલાઈએ થઈ હતી.
અહીં એક માણસથી બીજા માણસમાં એક બીજાની શ્વાસ ડ્રોપ્લેટ્સથી ફેલાય છે. જો કે, આ ત્યારે જ સંભવ છે, જ્યારે કોઈ બીજો માણસ સંક્રમિત દર્દીની સાથે બહુ લાંબા સમયથી નજીક રહેતો હોય અથવા તો સંપર્કમાં હોય. કેન્દ્રીય સ્વાસ્થ્ય મંત્રાલયનું કહેવુ છે કે, મંકીપોક્સ વાયરસ શરીરના તરલ પદાર્થ અથવા ઘાવથી સીધા સંપર્કમાં આવવાથી ફેલાય છે. દર્દીએ વાપરેલા કપડાનો ઉપયોગ કરવાથી પણ ફેલાય છે.
જો કે, મંકીપોક્સમાં ખાસ એક જૂનોસિસ છે. મતલબ એવી બિમારી છે, જે જાનવરોમાંથી માણસોમાં ફેલાય છે. અફ્રિકામાં આ બિમારી ફેલાવાનું આ જ કારણ છે. પણ ભારતમાં મંકીપોક્સ આવી રીતે ફેલાવાના બહુ ઓછી સંભાવના છે. સ્વાસ્થ્ય મંત્રાલયનું કહેવુ છે કે, જાનવરોથી માણસોમાં મંકીપોક્સ સંક્રમણ ફક્ત સંક્રમિત જાનવરોના ડસવાથી, ખંજવાળવાથી અથવા તો જંગલી જાનવરોનું માંસ ખાવાથી ફેલાઈ શકે છે. તેમાં ઉંદર, ખિસકોલી, વાનર જેવા જાનવરો પણ સામેલ છે.
શું છે મંકીપોક્સના લક્ષણો
મોટા ભાગે આ રોગમાં તાવ, ચામડી પર દાણા, અને સોજા જેવા લક્ષણો જોવા મળે છે. કેટલીય વાર શરૂરમાં દુખાવો અને ચામડી પર ફોલ્લી જોવા મળે છએ. શરીર પર લાલ ચકામા પણ પડી જાય છે. મોટા ભાગના કેસોમાં દર્દી કોઈ પણ સારવાર વગર ઠીક થઈ જાય છે.
મંકીપોક્સ શું છે
મંકીપોક્સ એક વાયરસ છે. જે સૌ પ્રથમ વાંદરાઓમાં જોવા મળ્યો હતો. 1970માં પહેલી વાર સાઉથ આફ્રિકામાં આ વાયરસની પુષ્ટિ થઈ હતી. અત્યાર સુધી 70થી વધુ દેશોમાં વાયરસના 7 હજારથી વધુ કેસ સામે આવી ચૂક્યા છે.