અમદાવાદમાં મેમનગરમાં સ્કુટર અને કારનો અકસ્માત થયો છે. કાર ફૂલ સ્પીડમાં આવતા સ્કુટર સાથે અથડાઈ હતી. જેમાં સ્કુટર ચાલક ગંભીર રીતે ઇજાગ્રસ્ત થયો હતો. આ ઈજાગ્રસ્તને સોલા સિવિલ હોસ્પિટલમાં ખસેડવામાં આવ્યો હતો. જ્યાં તેમનું સારવાર દરમિયાન મોત નિપજ્યું હતું. આ અકસ્માતના CCTV સામે આવ્યાં છે.
પ્રફુલ પટેલ નામના વ્યક્તિનુ અકસ્માતમાં મોત
તેમના દીકરાને ટ્યુશનથી લેવા જતાં હતાં પ્રફુલ પટેલ
MLA શૈલેષ પરમારની કારે સર્જ્યો અકસ્માત
મેમનગરમાં હિટ એન્ડ રનનો બનાવ સામે આવ્યો છે. જેમાં પુરપાટ ઝડપે આવી રહેલા કારચાલકે સ્કૂટર ચાલકને અડફેટે લીધો હતો. જેમાં પ્રફુલ પટેલ નામના સ્કૂટરચાલકનું સારવાર દરમિયાન મોત થયું છે. પ્રફુલ પટેલ તેમના દીકરાને ટ્યુશનથી લેવા જતાં હતાં. 40 વર્ષના પ્રફુલ પટેલને ઉડાવીને કારચાલક ફરાર થઇ ગયો હતો.
સ્થાનિકોને કહેવા પ્રમાણે આ કાર MLA સ્ટિકરવાળી હતી. પોલીસે GJ01 RX 9972 નંબરની ગાડી સામે કાર્યવાહી હાથ ધરી છે. સ્કૂટરને અડફેટે લીધા બાદ પણ કાર રોકાઇ ન હતી. એવી જાણકારી મળી છે કે આ કાર MLA શૈલેષ પરમારની હતી અને તેમની કારે અકસ્માત સર્જ્યો છે. શૈલેષ પરમાર દાણીલીમડાના MLA છે. તેમના ડ્રાઇવરે અકસ્માત સર્જ્યો છે.