રિકૉલ / Ola એ પોતાના 1441 ઈ-સ્કૂટર્સ કર્યા રિકૉલ, જો તમે પણ ખરીદ્યું હોય જાણી લો કારણ

• આગ લાગ્યા બાદ OLAએ ઉઠાવ્યું મોટુ પગલું
• ઓલા ઈલેક્ટ્રિકે સ્કૂટરના 1441 યુનિટ્સ માર્કેટમાંથી પાછા મંગાવ્યાં
• કંપનીએ કહ્યું, આ ઘટનાની તપાસ ચાલુ છે

આગ લાગવાની ઘટનાઓ બાદ સ્કૂટર પાછા ખેંચાયા

પ્રારંભિક તપાસમાં જાણવા મળ્યું છે કે આ એક અલગ પ્રકારનો મામલો હતો. આની પહેલા ઈલેક્ટ્રીક સ્કૂટર મેકર ઓકિનાવા ઑટોટેકે પણ તેના 3215 વાહનોને આગ લાગવાની ઘટનાઓ બાદ પાછી લઇ લીધી હતી. ઓલાએ કહ્યું કે સ્કૂટર્સની બેટરી અને બીજા કમ્પોનેન્ટની તપાસ માટે તે 1441 સ્કૂટરને પાછી લઇ રહી છે. કંપનીએ જણાવ્યું કે આ સ્કૂટરની તપાસ કંપનીના સર્વિસ એન્જિનિયર કરશે. જેમાં બેટરી સિસ્ટમ્સ, થર્મલ સિસ્ટમની સાથે-સાથે સેફ્ટી સિસ્ટમની પણ તપાસ થશે. ઓલા ઈલેક્ટ્રિકે કહ્યું કે તેની બેટરી સિસ્ટમ યુરોપિયન સ્ટાન્ડર્ડ ECE 136ના અનુરૂપ થવાની સાથે દેશ માટે નવીનતમ પ્રસ્તાવિત ધોરણ એઆઈએસ 156 પર ખરું ઉતર્યુ છે. 

પ્યોર ઈવીએ પણ લગભગ 2000 ઈલેક્ટ્રીક સ્કૂટરોને પાછા મંગાવ્યાં 

દેશના અલગ-અલગ ભાગમાં હાલના દિવસમાં ઈલેક્ટ્રીક ટુ-વ્હીલર્સમાં આગ લાગવાની ઘણી ઘટનાઓ થઇ છે. જેનાથી કંપનીઓ પોતાના વાહનોને પાછા લઇ રહ્યાં છે. ઓકિનાવા ઑટોટેકની સાથે પ્યોર ઈવીએ પણ લગભગ 2000 ઈલેક્ટ્રીક સ્કૂટરોને પાછા મંગાવ્યાં હતા.