ભારતીય જળસીમામાંથી 9 ખલાસીઓ સાથે પાકિસ્તાની ફિશિંગ બોટને ઓખા કોસ્ટગાર્ડે ઝડપી

દેવભૂમિ દ્વારકાઃ ઓખા કોસ્ટગાર્ડની ટીમે એક પાકિસ્તાની બોટને ઝડપી પાડી હતી. મળતી માહિતી પ્રમાણે જખૌ નજીક IMBL નજીકથી ભારતીય સીમામાંથી 9 ખલાસીઓ સાથે ફિશિંગ બોચને ઝડપી પાડવામાં આવી છે. હાલ તમામ માછીમારોની ધરપકડ કરી વધુ તપાસ હાથ ધરવામાં આવી છે.

મહત્વનું છે કે ઓખા કોસ્ટગાર્ડ દ્રારા પેટ્રોલિંગ કરવામાં આવી રહ્યું હતું. તે દરમિયાન તેમને ભારતીય જળસીમાની અંદર પાકિસ્તાની બોટ પ્રવેશી રહી હતી. જેનો પીછો કરી કોંસ્ટગાર્ડે ઝડપી પાડી હતી. ત્યાર બાદ 9 ખલાસીઓને પકડ પડાયા હતા અને તેમને ઓખા લાવવામાં આવ્યા હતા.



ઓખા કોસ્ટગાર્ડે ભારતીય સમુદ્રી સીમામાં ગેરકાયદે ઘુસણખોરી કરીને માછીમારી કરી રહેલી એક શંકાસ્પદ પાકિસ્તાની બોટને પકડી પાડવામાં આવી છે. બોટમાં સવાર 9 માછીમારોને ઓખા લઈ જઈને વધુ તપાસ હાથ ધરવામાં આવી છે.

મહત્વનું છે કે આતંકવાદીઓ સમુદ્રી રસ્તે ભારતમાં પ્રવેશે છે. ત્યારે આ ખલાસીઓ કોઇ આતંકવાદી પ્રવૃતિ કરવા માટે ભારતમાં આવ્યા છે કે શું તે અંગે તપાસ કરવામાં આવી રહી છે.