જો તમે બાઈક કે કાર લઈની નીકળતા હોવ તો ચેતજો, ટુ વ્હીર ચલાવતી વખતે હેલ્મેટ નહીં પહેર્યુ હોય અને કાર હંકારતી વખતે સીટ બેલ્ટ નહીં બાંધ્યો હોય તો પોલીસ તમને સીધો દંડ ફટકરાશે.
હેલ્મેટ કે કારમાં સીટ બેલ્ટ વિના વાહન ચલાવવું પડશે ભારે
ગુજરાત પોલીસ 6 થી 15 માર્ચ સુધી યોજશે ટ્રાફિક ડ્રાઇવ
ટ્રાફિક નિયમ ભંગ કરનાર સામે કડક પગલા લેવા આદેશ
ગુજરાત પોલીસને આ મામલે આદેશ આપવામાં આવ્યો છે.
જે અંતર્ગત ગુજરાત પોલીસ દ્વારા આગામી 6થી 15 માર્ચ દરમિયાન એક સ્પેશિયલ ડ્રાઈવ યોજવામાં આવશે. આ સમયે જોઈ કોઈ વાહન ચાલકે હેલ્મેટ વિના કે પછી કારનો સીટ બેલ્ટ નહીં બાંધ્યો હોય તો દંડ થશે. સાથે જ પોલીસને એવો પણ આદેશ કરવામાં આવ્યો છે કે, શહેર અને જિલ્લામાં રોજની કામગીરીની સમીક્ષા કર્યા બાદ તેનો અહેવાલ પણ મોકલવામાં આવે.
ટ્રાફિક નિયમ ભંગ કરનાર સામે કડક પગલા લેવા આદેશ
ગુજરાત પોલીસ માટે જાહેર કરવામાં આવેલા પત્રમાં કહેવાયુ છે કે, સુપ્રીમ કોર્ટ કમિટી ઓન રોડ સેફ્ટી દ્વારા રાજ્યની સમાયાંતરે યોજાતી સેફ્ટી કાઉન્સિલની બેઠકમાં રોડ સેફ્ટીની સમીક્ષા બેઠક યોજવામાં આવી હતી. આ સમીક્ષા બેઠકમાં રાજ્યમાં થતા અકસ્માતોની ચર્ચા કરવામાં આવી હતી. તેમજ રોડ અકસ્માતમાં ઘટાડો લાવવા માટે તેમજ ટ્રાફિક નિયમોની સુયોગ્ય અમલવારી કરાવવા માટે ગુજરાત પોલીસને આદેશ કરવામાં આવ્યો છે.
સીટ બેલ્ટ અને હેલ્મેટ વગરના લોકો પાસેથી લેવાશે દંડ
આ બેઠકમાં ટ્રાફિક એન્સફોર્સમેન્ટ અંગેની કામગીરીમાં હેલ્મેટ તથા સીટ બેલ્ટ ભંગના વધુમાં વધુ કેસો કરવા માટે જણાવવામાં આવ્યું છે. જેના ભાગ રૂપે આગામી 6થી 15 માર્ચ સુધી ગુજરાત પોલીસની ખાસ ડ્રાઈવ યોજાશે. આ ડ્રાઈવમાં પોલીસ દ્વારા હેલ્મેટ અને સીટ બેલ્ટ ભંગના વધુમાં વધુ કેસ દાખલ કરવામાં આવશે. શહેર અને જિલ્લાઓ દ્વારા કરવામાં આવેલી કામગીરીની સમીક્ષા કરવાની હોવાથી રોજેરોજ કરવામાં આવેલી કામગીરીનો અહેવાલ પણ સોંપવાનો રહેશે.
ગુજરાત પોલીસ 6 થી 15 માર્ચ સુધી યોજશે ટ્રાફિક ડ્રાઇવ
આ આદેશ બાદ ગુજરાત પોલીસ દ્વારા આગામી 6થી 15 માર્ચ સુધી વિવિધ વિસ્તારોમાં આ ખાસ ડ્રાઈવ યોજાશે. જેમાં પોલીસ દ્વારા હેલ્મેટ અને સીટ બેલ્ટ ભંગના વઘુમાં વધુ દંડ કરવામાં આવશે. મહત્વનું છે કે, કોરોનાકાળ દરમિયાન ગુજરાત પોલીસ દ્વારા માસ્કને લઈને પણ ઠેર ઠેર ખાસ ડ્રાઈવ યોજવામાં આવી હતી.