કેન્દ્રીય ટ્રાન્સપોર્ટ મંત્રાલય દ્વારા દેશભરમાં ઓનલાઇન ડ્રાઇવિંગ લાઇસન્સ સુવિધા માટે એક એપ તૈયાર કરી છે. જે એપ દ્વારા દેશભરમાં નવા લાઇસન્સ કાઢવાની પ્રક્રિયાને સરળ કર્યાની સાથે-સાથે ભ્રષ્ટાચાર મુક્ત થશે. કેન્દ્રીય પરિવહન રાજ્યમંત્રી રાધાકૃષ્ણને લોકસભામાં જાણકારી આપી કે ઓનલાઇન ડ્રાઇવિંગ લાઇસન્સની સુવિધા માટે વાહન-4.0 (VAHAN-4.0) અને સારથી 4.0 (SARATHI 4.0) નામની એપ તૈયાર કરાઇ છે.
ટ્રાન્સપોર્ટ મંત્રાલયના જણાવ્યા અનુસાર વાહન-4.0 દ્વારા દેશમાં 85 રોડ ટ્રાન્સપોર્ટ ઓફિસ અને સારથી 4.0 દ્વારા 235 ટ્રાન્સપોર્ટ ઓફિસને જોડવાનું કામ કરવામાં આવ્યું છે. ભ્રષ્ટાચારને રોકવા માટે સરકારે નવી શરૂઆત કરી છે. જેમાં ઓનલાઇન સિસ્ટમના માધ્યમ દ્વારા વાહન રજીસ્ટ્રેશન અને ડ્રાઇવિંગ લાઇસન્સ માટે લર્નિંગ લાઇસન્સ મેળવવા માટે મોટર વ્હીકલ એક્ટ જોગવાઈ કરવામાં આવી છે.
હવે આપ આ એપ દ્વારા લાઇસન્સ પ્રાપ્ત કરી શકો છો તેમજ મોટર વ્હીકલનાં લાઇસન્સ રિન્યુઅલ પણ સરળતાથી કરી શકો છો તેમજ લાઇસન્સ રિન્યુઅલનું કામ કોઇપણ રાજ્યમાં કરી શકાશે અને તેના માટે વ્હીકલના મુળ રજીસ્ટ્રેશન થયું છે તે રાજ્યમાં જવાની જરૂર નહીં પડે.