ક્રિકેટ / IPLમાં 2 નવી ટીમો ઉમેરાશે, અમદાવાદની ફ્રેન્ચાઈઝી માટે ગુજરાતની આ 2 કંપનીઓ પણ રેસમાં

• ઓગસ્ટ મહિનામાં ઓક્શન પ્રક્રિયા શરૂ થશે
• અદાણી ગ્રુપ અને ટોરેન્ટ ગ્રુપ લેશે ભાગ 
• 10 ટીમો વચ્ચે 90 મેચ યોજાશે 

ઓગસ્ટ મહિનામાં ઓક્શન પ્રક્રિયા શરૂ થશે
ભારતીય ક્રિકેટ બોર્ડ એટલે કે BCCIએ ઇંડિયન પ્રીમિયર લીગ IPLમાં બે નવી ટીમ ઉમેરવાનો નિર્ણય કર્યો છે. આ બે ટીમો માટે ઓગસ્ટ મહિનામાં ઓક્શન પ્રક્રિયા શરૂ થશે. આગળની બધી પ્રક્રિયા બાદ પૂરી થયા બાદ ઓકટોબરના મધ્યમાં નવી ટીમોની જાહેરાત કરવામાં આવી શકે છે. આ સાથે જ બોર્ડ દ્વારા ફ્રેન્ચાઇઝી ટીમોનું બજેટ, રિટેન્શન અને મીડિયા અધિકારો માટેની આખી બ્લૂપ્રિન્ટ પણ તૈયાર કરવામાં આવી છે. 

અદાણી ગ્રુપ અને ટોરેન્ટ ગ્રુપ લેશે ભાગ
RP-સંજીવ ગોયનકા ગ્રુપ (કોલકાતા), અદાણી ગ્રુપ(અમદાવાદ), અરબીંદો ફાર્મા લિમિટેડ(હૈદરાબાદ) અને ટોરેન્ટ ગ્રુપ(ગુજરાત) આ પ્રક્રિયામાં રસ ધરાવી રહ્યા છે. આ રીતે બીજી કોર્પોરેટ કંપનીઓ પણ આ ટીમ માટે રસ ધરાવી રહ્યા છે. એક મીડિયા રિપોર્ટ અનુસાર, BCCI આ ટીમ માટેનું બજેટ 85 કરોડથી લઈ 90 કરોડ સુધી વધારી શકે છે. 2024 સુધીમાં આ બજેટ વધીને 100 કરોડનું થશે. 

10 ટીમો વચ્ચે 90 મેચ યોજાશે 
ખેલાડીઓની રિટેન્શન પ્રક્રિયા પણ હવે લગભગ તૈયાર છે. મેગા ઓક્શન પહેલા દરેક ફ્રેન્ચાઇઝી ચાર ખેલાડીઓને રિટેન કરી શકે છે જેમાં પણ ઘણી શરતો રાખી છે. જેમ કે ટીમ ત્રણ ભારતીય અને અકે વિદેશી અથવા તો બે ભારતીય અને બે વિદેશી ખેલાડીઓને રીટેન કરી શકે છે. BCCI 2021 ના અંત સુધીમાં મીડિયા અધિકારોની નીલામી કરવાની યોજના બનાવી રહી છે. માનવામાં આવી રહ્યું છે કે 2023 થી માર્ચ મહિનામાં IPLની શરૂઆત થઈ શકે. એવામાં બોર્ડ 10 ટીમો વચ્ચે 90 મેચ યોજી શકે.