ફેક ન્યુઝ એટલે કે બનાવટી સમાચારથી દેશમાં મોબ લીન્ચિંગ, તોફાનો, નફરત ફેલાય છે. આ સમસ્યાના સમાધાન માટે હવે કેનેડાની વાટરલુ યુનિવર્સિટીના સંશોધકોએ આર્ટિફિશિયલ ઇન્ટેલિજન્સ ધરાવતું એક નવું ડિવાઇસ તૈયાર કર્યું છે જે સમાચારોને જોઇને જાણી શકશે કે આ સમાચાર સાચા છે કે ખોટા.
સોશિયલ મીડિયા પર પ્રસારિત ફેક ન્યૂઝ પર અંકુશ લગાવવા માટે સંશોધકોએ આર્ટિફિશિયલ ઇન્ટેલિજન્સ ધરાવતું એક નવું ડિવાઇસ તૈયાર કર્યું છે, જે સમાચાર માધ્યમો જેવા કે ટીવી, ન્યૂઝ પેપર, સોશિયલ મીડિયા વગેરેના સમાચારોને જોઇને જાણી શકશે કે આ સમાચાર સાચા છે કે ખોટા.
સંશોધકોનું કહેવું છે કે આ ડિવાઇસના પ્રયોગથી મીડિયા સંસ્થાઓમાં સમાચારને યોગ્ય પણ કરી શકાશે. આ ડિવાઇસ કેનેડામાં વાટરલુ યુનિવર્સિટીના સંશોધકોએ બનાવ્યું છે, જે ડીપ લર્નિંગ એઆઇ અલ્ગોરિધમની મદદથી સમાચારોની સત્યતાની તપાસ કરે છે.
વાટરલુ યુનિવર્સિટીના પ્રોફેસર અને આ અભ્યાસના સંશોધકે જણાવ્યું કે જો સમાચાર કે કહાની લખનારી વ્યક્તિ તટસ્થ છે તો એ વાતની શક્યતા ઓછી છે કે તે ફેક્ટ છે. પરંતુ ઘણી વાર લેખક પોતાનાં તથ્યો પર ધ્યાન આપી શકતા નથી. આવામાં આ ઉપકરણ એક દ્વારપાળની ભૂમિકા ભજવશે. તેને વાંચ્યા બાદ તેની સત્યતાનું અનુમાન લગાવશે.