બોલિવુડ એક્ટ્રેસ નીના ગુપ્તાની ફિલ્મ પંગા તાજેતરમાં જ રિલીઝ થઇ. ઓડિયન્સે ફિલ્મમાં નીના ગુપ્તાની એક્ટિંગના ખૂબ જ વખાણ કર્યા. હવે પોતાના આગામી પ્રોજેક્ટ્સ પહેલા નીના ગુપ્તાએ પોતાના ફેન્સની સાથે એક ફોટો શૅર કરી છે. આ ફોટો શૅર કરતા નીના ગુપ્તાએ ગૂગલને ઓછી ઉંમર બતાવવા માટે રિકવેસ્ટ કરી.
નીના ગુપ્તા તેમના સ્ટેટમેન્ટને લઈને ઘણીવાર ચર્ચામાં આવ્યાં છે. હાલમાં તેમણે હેરકટ કરાવ્યા જેનો ફોટો સોશિયલ મીડિયા પર શેર કર્યો હતો. કેપ્શનમાં 60 વર્ષીય નીનાએ લખ્યું હતું કે, ‘ગૂગલવાલો અબ તો મેરી ઉંમર કમ કરકે લિખ દો.’
અગાઉ નીનાએ ઉંમર અને એક્ટિંગને લઈને નિવેદન આપ્યા હતા. તાપસી પન્નુ અને ભૂમિ પેડનકેર સ્ટારર ‘સાન્ડ કી આંખ’ ફિલ્મનું ટ્રેલર જોયા બાદ તેમણે કહ્યું હતું કે, અમારી ઉંમરના રોલ તો અમારી પાસે કરાવી લો.
વર્કફ્રન્ટની વાત કરવામાં આવે તો આયુષ્માન ખુરાના સ્ટારર ફિલ્મ ‘શુભ મંગલ ઝ્યાદા સાવધાન’માં દેખાશે.