ક્રિકેટ / એક સમયે 200 રૂપિયા માટે રમતો હતો આ ક્રિકેટર, હવે થઇ ટીમ ઇન્ડિયામાં એન્ટ્રી

IPL 2019ની એક મેચ હતી, જેમાં રોયલ ચેલેન્જર્સ બેંગ્લોર અને ચેન્નાઇ સુપર કિંગ્સની એકબીજાની સામે રમી રહ્યા હતા. CSK ટાર્ગેટ પૂરો કરી રહી હતી અને જીત માટે માત્ર 71 રન જ કરવાના હતા. ઑપનર શેન વૉટસન ગ્રાઉન્ડ પર આવ્યો. એક ખતરનાક બાઉન્સર, જેની ઝડપ 151 કિમી પ્રતિકલાક હતી, વૉટસનના હેલ્મેટ પર વાગ્યો. દિગ્ગજ આ બૉલ સમજી જ ના શક્યો અને ચોંકી ગયો. આ બૉલિંગ કરનારો બૉલર નવદીન સૈની હતો, જેને વેસ્ટ ઇન્ડિઝ પ્રવાસ માટે વનડે અને T-20 સીરિઝ માટે ટીમ ઇન્ડિયામાં પસંદ કરવામાં આવ્યો છે. 

Navdeep Saini is all set to make his #TeamIndia debut. The pacer has been selected for India's ODI and T20 squads in the upcoming tour of West Indies.#TeamIndia #PlayBold pic.twitter.com/iAff3KsFYO

— Royal Challengers (@RCBTweets) July 21, 2019

રણજી ટ્રોફીમાં સૈની દિલ્હીમાંથી રમતો હતો, પરંતુ તે હરિયાણાના કરનાલથી છે અને ઘણા ઓછા લોકો જાણે છે એક એવો સમય પણ હતો જ્યારે સૈનીને કરનાલમાં લોકલ ટૂર્નામેન્ટ રમવા માટે 200 રૂપિયા પ્રતિ મેચ મળતા હતા. રસપ્રદ વાત છે કે 2013 સુધી લેધર બૉલ નહી, ટેનિસ બૉલથી ક્રિકેટ રમતો હતો.

આ રીતે આવ્યો દિલ્હી રણજીની ટીમમાં:

દિલ્હીના પૂર્વ મીડિયમ પેસર સુમિત નરવાલે કરનાલ પ્રીમિયર લીગના દરમિયાન સૈનીનો જોયો અને તેની ઝડપથી ખૂબ જ આકર્ષિત થઇ ગયા. સૈનીનો આગામી પડાવ દિલ્હીનું નેટ સેશન રહ્યુ. જ્યાં તેણે પૂર્વ ઇન્ટરનેશનલ ક્રિકેટર ગૌતમ ગંભીરને પોતાની બોલિંગથી આકર્ષિત કર્યો. ગંભીરે તેણે 2 જોડી બૂટ આપ્યા અને નેટ પર સતત આવવા માટે કહ્યુ. દિલ્હી ક્રિકેટથી સૈનીને ઓળખ થઇ.

તેણે દિલ્હી ક્રિકેટ ટીમમા લાવવાનો મહત્વનો રોલ ગૌતમ ગંભીરનો હતો. પૂર્વ રણજી કેપ્ટને સિલેક્ટર્સને સૈનીને રણજી ટીમમાં લાવવા માટે સલાહ આપી. 2013-14 સિઝન માટે સૈનીને ટીમ માટે પસંદ કરવામાં આવ્યો, ત્યારથી તેણે પાછળ ફરીને જોયુ નથી. 2017-18ની સિઝનમાં દિલ્હીને ફાઇનલ સુધી પહોંચાડવા માટે સૈનીનો મહત્વનો રોલ છે. નવદીપ સૈનીએ 8 મેચમાં 34 વિકેટ લઇને સર્વશ્રેષ્ઠ બૉલિંગ કરી. 

'એક દિવસ ટીમ ઇન્ડિયા માટે રમીશ': ગૌતમ ગંભીર

નવદીપ સૈનીને 2018માં જ્યારે અફધાનિસ્તાન વિરુદ્ઘ એકમાત્ર ટેસ્ટ માટે પહેલી વખત ઇન્ટરનેશનલ ટીમમાં શામેલ કરવામાં આવ્યો ત્યારે તેણે ગંભીરને પોતાનો મેન્ટોર ગણાવતા કહ્યુ હતુ કે, ''જ્યારે પણ હું ગૌતમ ગંભીર વિશે વાત કરું છુ તો ભાવુક થઇ જાઉ છું. જ્યારે મેં દિલ્હી માટે કેટલીક મેચ રમી ત્યારે તેમણે મને કહ્યુ હતુ કે, જો આ રીતે હું ફોર્મમાં રહીશ તો ચોક્કસથી ટીમ ઇન્ડિયામાં સ્થાન મેળવી શકીશ.''

IPLમાં પણ શાનદાર ફોર્મ:

નવદીપના શાનદાર ફોર્મને કારણે IPLમાં તક મળી. 2019માં IPLની 12મી સિઝનમાં 151.98 કિમીની ઝડપે બોલિંગ કરીને સૌ કોઈને ચોંકાવી દીધા હતા. હાલના વર્લ્ડકપમાં પણ નેટ્સમાં બૉલિંગ કરવા માટે નવદીપને તક આપવામાં આવી હતી. તેના સતત સારા પ્રદર્શનને જોઇને તેણે ટીમ ઇન્ડિયામાં છેવટે જગ્યા મળી.