રેવા / નર્મદા ડેમની જળસપાટી 134.21 મીટરને પાર, 23 દરવાજા ખોલાયા, 26 ગામ અલર્ટ

નર્મદા ડેમની જળસપાટી ઐતિહાસિક સ્તરે પહોંચી છે. ઉપરવાસમાંથી 4 લાખ 61 હજાર 376 ક્યુસેક પાણીની આવક થઈ રહી છે. જેથી નર્મદા ડેમના 23 દરવાજા 3.20 મીટર ખોલી દેવામાં આવ્યા છે અને નર્મદા નદીમાં 4 લાખ 30 હજાર 855 ક્યુસેક પાણી છોડવામાં આવી રહ્યું છે. ત્યારે સપ્ટેમ્બરના પ્રથમ સપ્તાહમાં 138 મીટર સુધી સપાટી પહોંચી શકે છે. 

જ્યારે રિવર બેડ પાવર હાઉસના 6 ટર્બાઇન અને કેનાલ હેડ પાવર હાઉસના 3 ટર્બાઇન ચાલુ કરવામાં આવ્યા છે. તો નર્મદા નદીમાં પાણીની સપાટી વધતા કેવડિયા નજીકનો ગોરા બ્રિજ 3 દિવસથી પાણીમાં ગરકાવ થઇ ગયો છે. જેના કારણે જિલ્લાના નદી કિનારે આવેલા 26 ગામને અલર્ટ કરી દેવામાં આવ્યા છે.