મુંબઈમાં એક જૂથ અથડામણ થતા સાત વાહનોને આગચંપી કરવાનો એક કિસ્સો સામે આવ્યો છે. બે જૂથ અથડામણ થતાં અફરતફરીનો માહોલ સર્જાયો હતો.
મળતી માહિતી અનુસાર ગત રાતે મલાડ વેસ્ટના પાલ નગર વિસ્તારમાં જોરદાર હંગામો થયો હતો. બે જૂથ વચ્ચે અથડામણ થઈ હતી. કોઈ કારણોસર અથડામણ થતા ઉશ્કેરાયેલા જૂથે ત્યાં પાર્ક કરેલી 4 રીક્ષા અને 3 બાઇક એમ સાત વાહનોને આગ ચાંપી. જેમાં વાહનો બળીને ખાક થઇ ગયા.
ઘટનાના પગલે લોકોનાં ટોળા ઉમટ્યા હતા. ઘટનાની જાણ ફાયર વિભાગ અને પોલીસને થતા ફાયર વિભાગના 3 ફાયર ફાઈટર ઘટના સ્થળે પહોંચ્યા અને આગ પર કાબૂ મેળવવા પ્રયાસ હાથ ધર્યા.