ભેટ  / ગાંધીનગરથી મુંબઈ માત્ર 6 કલાકમાં પહોંચી શકાશે, દેશને મળશે ત્રીજી 'વંદે ભારત એક્સપ્રેસ', PM મોદી આપશે લીલીઝંડી

• PM મોદી ગુજરાતને આપશે વિકાસ કાર્યોની ભેંટ 
• PM મોદી વંદે ભારત એક્સપ્રેસ ટ્રેન રાષ્ટ્રને સમર્પિત કરશે
• ગાંધીનગરથી મુંબઈની વચ્ચે દોડશે સેમી હાઇસ્પીડ ટ્રેન

પ્રધાનમંત્રી નરેન્દ્ર મોદી ગુજરાતના પ્રવાસે છે. ત્યારે તેઓ રાજ્યને વધુ એક મોટી ભેટ આપશે. પ્રધાનમંત્રી નરેન્દ્ર મોદી ગુજરાતની રાજધાની ગાંધીનગરથી વંદે ભારત ટ્રેનને લીલી ઝંડી બતાવી રાષ્ટ્રને સમર્પિત કરશે. આ વંદે ભારત ટ્રેન ગુજરાતના નાગરિકો માટેની પબ્લિક ટ્રાન્સપોર્ટની સુવિધાઓમાં વધારો કરશે. દિલ્હીના બે રૂટ્સ પર મોટી સફળતા પછી ભારતની પહેલી સ્વદેશી સેમી હાઈ સ્પીડ ટ્રેન હવે ગુજરાતના પાટા પર પણ દોડતી જોવા મળશે. મહત્વનું છે કે થોડાક દિવસ પહેલા જ ગુજરાતમાં વંદે ભારત ટ્રેનનું સફળ ટ્રાયલ પણ કરવામાં આવ્યું હતું. 

ગાંધીનગર અને મુંબઈ સેન્ટ્રલ વચ્ચે સ્વદેશી હાઈ-સ્પીડ વંદે ભારત દોડશે
વડાપ્રધાન નરેન્દ્ર મોદી આવતીકાલે ગુજરાતની રાજધાની ગાંધીનગર અને મુંબઈ સેન્ટ્રલ વચ્ચે સ્વદેશી હાઈ-સ્પીડ વંદે ભારત એક્સપ્રેસને લીલી ઝંડી બતાવશે. નોંધનીય છે કે દિલ્હી-કાનપુર-અલાહાબાદ-વારાણસી રૂટ પર પહેલી વંદે ભારત એક્સપ્રેસ ટ્રેનને 15 ફેબ્રુઆરી, 2019 ના રોજ  ફ્લેગ ઓફ કરવામાં આવી હતી.  વંદે ભારત ટ્રેન દેશમાં જ વિકસીત કરવામાં આવી છે. ‘KAVACH’ટેક્નીકથી સજ્જ પહેલી વંદે ભારત ટ્રેન 0 થી 100 કિમી સુધીની સ્પીડ માત્ર 52 સેકન્ડ પકડી શકે છે. ટ્રેનમાં GPRS, ટચ-ફ્રી સ્લાઇડિંગ ડોર જેવી સુવિધાઓ પણ સજ્જ કરાઇ છે. ઓગસ્ટ 2023 સુધી 75 વંદે ભારત ટ્રેન શરૂ કરવાનો લક્ષ્યાંક છે. વધુમાં  વંદે ભારત ટ્રેન આયાતી ટ્રેનના અડધા ખર્ચમાં તૈયાર થઈ જાય છે. 

વંદે ભારત ટ્રેનની વિશેષતા?

• આત્મનિર્ભર ભારત હેઠળ કરાયું છે ટ્રેનનું નિર્માણ
• પ્રથમ વખત ટ્રેન કોલાઇઝન અવોઇડન્સ સિસ્ટમ ટેકનિક એટલે કે 'કવચ'થી સજ્જ
• સ્વદેશી સેમી-હાઇ સ્પીડના નામથી જાણીતી ટ્રેન
• ટ્રેન 0 થી 100 કિમી પ્રતિ કલાક સુધીની ઝડપ માત્ર 52 સેકંડમાં પુરી કરી લે છે 
• સેમી હાઈ સ્પીડ ટ્રેનની મહત્તમ સ્પીડ 180 km પ્રતિ કલાકે દોડવાની ક્ષમતા 
• વંદે માતરમ ટ્રેન 160થી 180 કિલોમીટરની ઝડપે દોડશે 
• 491 કિલોમીટરનું અંતર 6થી 6.25 કલાકમાં કાપશે
• ટ્રેનમાં મુસાફરોની સુવિધા માટે સ્લાઇડિંગ ફૂટસ્ટેપ્સ 
• ટચ ફ્રી સ્લાઇડિંગ ડોરની સાથે સ્વચાલિત પ્લગ દરવાજાઓથી પણ સજ્જ
• ACના મોનિટરિંગ માટે કોચ કંટ્રોલ મેનેજમેન્ટ સિસ્ટમ 
• કંટ્રોલ સેન્ટર તેમજ મેઇન્ટેનન્સ સ્ટાફની સાથે કોમ્યુનિકેશન 
• ફીડબેક માટે GSM / GPRS જેવી આધુનિક ટેક્નીકનો ઉપયોગ કરાયો છે
• દિવ્યાંગ મુસાફરો માટે વિશેષ પ્રકારના શૌચાલય  
• સામાન્ય મુસાફરો માટે ટચ-ફ્રી એમેનિટિસવાળા બાયો વેક્યુમ ટોયલેટ્સની વ્યવસ્થા 
• અંધ મુસાફરોની સુવિધા માટે સીટોમાં બ્રેલ લિપિની સાથે સીટની સંખ્યા પણ કોતરવામાં આવી છે જેથી આવા મુસાફરો પોતાની સીટ્સ સુધી સરળતાથી પહોંચી શકે.
• ટ્રેનમાં વધુ સારા ટ્રેન નિયંત્રણ વ્યવસ્થાપન માટે લેવલ-II સેફ્ટી ઇન્ટિગ્રેશન સર્ટિફિકેશન 
• કોચની બહાર રિયર વ્યૂ કેમેરા સહિત 4 પ્લેટફોર્મ સાઇડ કેમેરા 
• તમામ કોચમાં એસ્પિરેશન આધારિત ફાયર ડિટેક્શન, સપ્રેશન સિસ્ટમ અને ઇલેક્ટ્રિકલ ક્યૂબિકલ્સ 
• શૌચાલયોમાં એરોસોલ આધારિત ફાયર ડિટેક્શન એન્ડ સપ્રેસ સિસ્ટમ જેવા બહેતર અગ્નિશામક સુરક્ષા ઉપાયો 
• ટ્રેનની મુખ્ય સિસ્ટમ્સને ભારતમાં ડિઝાઇન અને નિર્માણ કરવામાં આવી છે
• વંદે ભારત ટ્રેનથી 6 કલાકમાં મુંબઈ પહોંચી શકાશે