માહીની મોહિની / VIDEO : ચમત્કાર કે નહીં? ગામમાં ધોનીની પ્રાર્થના બાદ તરત સેમી ફાઈનલ જીત્યું ભારત, વીડિયો વાયરલ

• ધોનીએ પોતાના ગામમાં કરી હતી ટીમ ઈન્ડીયાની સેમી ફાઈનલ જીતની દુઆ
• ધોનીની પ્રાર્થના બાદ થોડા સમયમાં જીત્યું ભારત
• જોકે ટીમની મહેનત પહેલા નંબરે પણ ધોનીની દુઆ પણ કામ કરી ગઈ 

મહેન્દ્ર સિંહ ધોનીએ ઉત્તરાખંડના અલ્મોડામાં આવેલા પોતાના ગામના મંદિરમાં ટીમ ઈન્ડીયાની સેમી ફાઈનલ જીતની દુઆ કરી હતી જે સાચી પડી હતી. ધોનીની પ્રાર્થના બાદ થોડા સમયમાં ભારત સેમી ફાઈનલ જીતી ગયું હતું. ઘણા ટ્વિટર યૂઝર્સ આ વાતને પણ ચમત્કાર માની રહ્યાં છે. 

वर्ल्ड कप के बीच महेंद्र सिंह धोनी ने पत्नी साक्षी के साथ अपने पैतृक गांव ल्वाली में हरज्यू मंदिर में की पूजा अर्चना। #MSDhoni#Dhoni #Almora #MSD #WorldCup2023 #WorldCup pic.twitter.com/Zs8SHwnSSY

— Sandeep 🇮🇳 (@Sandeep4UK) November 15, 2023

પત્ની સાથે ઉત્તરાખંડ પહોંચ્યો 
ટીમ ઈન્ડીયાના પૂર્વ કેપ્ટન ધોનીને પણ હવે વતન યાદ આવ્યું છે અને તે પત્નીને લઈને તેના ગામ ગયો હતો. બરાબર આ જ સમયે ટીમ ઈન્ડીયા વર્લ્ડ કપની સેમી ફાઈનલમાં ન્યૂઝીલેન્ડને ધૂળ ચટાડી રહી હતી. ધોની હાલમાં તેની પત્ની સાક્ષી સાથે ઉત્તરાખંડના પ્રવાસે છે. હાલમાં જ તેનો એક વીડિયો વાયરલ થયો છે, જેમાં તે એક વૃદ્ધ મહિલા સાથે જોવા મળ્યો હતો અને તેની પત્ની સાક્ષીએ પણ તે વૃદ્ધ મહિલાના પગને સ્પર્શ કર્યો હતો. ધોની અને સાક્ષીનો વીડિયો સોશિયલ મીડિયા પર વાયરલ થઈ રહ્યો છે. ભારત માટે ત્રણ ICC ટ્રોફી જીતનાર ધોની લગભગ 20 વર્ષ બાદ બુધવારે ઉત્તરાખંડના અલમોડા જિલ્લાના પોતાના વતન ગામ લ્વાલી પહોંચ્યો હતો. તેને પોતાના ગામનો રસ્તો પણ ખબર ન હતી, તેથી તેણે ગામના લોકોને રસ્તો પૂછ્યો અને પછી એક કિલોમીટર ચાલીને તેના ગામ પહોંચ્યા. ગામમાં પહોંચ્યા બાદ ધોનીએ પોતાના પ્રિય દેવી-દેવતાઓને યાદ કર્યા. આ પછી ધોનીએ તેની પત્ની સાક્ષી સાથે ગામના મંદિરોમાં દેવી-દેવતાઓની પૂજા કરી અને ODI વર્લ્ડ કપમાં ભારતીય ટીમની જીત માટે પ્રાર્થના પણ કરી. તમને જણાવી દઈએ કે ધોની રાંચીમાં રહે છે. તેનું રાંચીમાં મોટું ફાર્મ હાઉસ છે અને તે તેના પરિવાર સાથે રહે છે.

MS Dhoni with fans in a village.

- MS, what a man...!!!pic.twitter.com/WzTMwWioKA

— Mufaddal Vohra (@mufaddal_vohra) November 16, 2023

સેમી ફાઈનલ વખતે ધોની પૂજા કરી રહ્યો હતો 
બુધવારે જ્યાં એક તરફ ભારતીય ટીમ મુંબઈના વાનખેડે સ્ટેડિયમમાં ન્યૂઝીલેન્ડને હરાવી રહી હતી તો બીજી તરફ ધોની પૂજામાં વ્યસ્ત હતો. ટીમ ઈન્ડિયા વર્લ્ડ કપ 2023ની સેમીફાઈનલમાં ન્યુઝીલેન્ડને 70 રને હરાવીને ચોથી વખત ફાઇનલમાં પહોંચી છે. આ સાથે ભારતીય ટીમે 2019 વર્લ્ડ કપની સેમીફાઈનલમાં કિવી ટીમ દ્વારા મળેલી હારનો બદલો પણ લઈ લીધો છે.