ગાંજાને લઇને આ એક્ટરે કર્યું ટ્વિટ મુંબઇ પોલીસએ આપ્યો જડબાતોડ જવાબ

એક્ટર ઉદય ચોપરા છેલ્લા ઘણા સમયથી ફિલ્મોથી દૂર હોવા છતાં હંમેશા લાઇમલાઇટમાં રહે છે. પોતાના ટ્વિટને લઇને ચર્ચામાં રહેતા ઉદયે હાલમાં જ ગાંજાને લઇને એવું ટ્વિટ કર્યું કે ના છૂટકે મુંબઇ પોલીસે ઉદયને જવાબ આપવો પડ્યો. મુંબઇ પોલીસનો જવાબ આવો હશે તેની કલ્પના પણ ઉદયે નહી કરી હોય.

ઉદય ચોપરાએ ગાંજાને ભારતમાં લીગલ કરવા વિશે ટ્વીટ કર્યુ કે મને લાગે છે કે ભારતમાં ગાંજાને કાયદેસર કરી દેવો જોઇએ. એક તો તે આપણી સંસ્કૃતિનો ભાગ છે અને બીજું જો ગાંજાને લીગલ કરી દેવામાં આવે તો આવકનો નવો સ્ત્રોત ઉભો થઇ શકે છે સાથે જ ગાંજા સાથે જોડાયેલી ગુનાખોરી પણ ઘટી જશે. સૌથી અગત્યની વાત કે મેડિકલ ક્ષેત્રે પણ ગાંજાની વેલ્યૂ ઘણી છે.
 

I feel India should legalize marijuana. Firstly It’s part of our culture. Secondly I think if legalized and taxed it can be a huge revenue source. Not to mention it will remove the criminal element associated with it. Plus and most importantly it has a lot of medical benefits!

— Uday Chopra (@udaychopra) September 13 2018

આ ટ્વિટ બાદ ટ્રોલર્સના નિશાને આવી ગયો પરંતુ સૌથી રસપ્રદ બાદ રહી મુંબઇ પોલીસનો જવાબ. મુંબઇ પોલીસે ટ્વિટ કર્યુ કે ''સર ભારતના નાગરિક હોવાના કારણે પબ્લિક પ્લેટફોર્મ પર તમે તમારા વિચારો રજૂ કરવા માટે મુક્ત છો પરંતુ યાદ રાખો કે હાલ ગાંજાનું સેવન કરવું ગાંજો પાસે રાખવો અને તેની આયાત-નિકાસ પર NDPS એક્ટ 1985 હેઠળ કડક સજા થઇ શકે છે. મહેરબાની કરીને આ મેસેજ લોકો સુધી પહોંચાડો.''

 

Sir as citizen of India you are privileged to express your view on a public platform. Be mindful as of now consumption possession and transportation of marijuana invites harsh punishment as per provisions of Narcotic Drugs and Psychotropic Substances Act 1985. Spread the Word https://t.co/YlT3kuCdA2

— Mumbai Police (@MumbaiPolice) September 15 2018

જણાવી દઇએ કે ઉદય ચોપરા અગાઉ પણ પોતાના ઘણા ટ્વિટને લઇને ટ્રોલ થયો છે. હાલમાં ઉદય પોતાની પ્રોડક્શન કંપની હોલિવુડ બ્રાંચને સંભાળે છે.