માઉન્ટ આબુ રાજસ્થાનનું એકમાત્ર હિલ સ્ટેશન છે અને સાથે જ ગુજરાતીઓનું લોકપ્રિય હિલ સ્ટેશન છે. આથી ત્યાં આમ પણ ગુજરાતી પ્રવાસીઓની ખાસ્સી ભીડ જોવા મળતી હોય છે. અરવલ્લીની લીલીછમ પર્વતમાળામાં આવેલા માઉન્ટ આબુમાં 29 ડિસેમ્બરથી 31 ડિસેમ્બર સુધી માઉન્ટ આબુ ફેસ્ટિવલનું આયોજન કરવામાં આવ્યુ છે. જાણો આ ફેસ્ટમાં કઇ ખાસ વાત હશે...
માઉન્ટ આબુ વિન્ટર ફેસ્ટિવલ 29 ડિસેમ્બરથી શરૂ થઇ ગયો જે 31 ડિસેમ્બર સુધી ચાલશે. આ ધાર્મિક અને સાંસ્કૃતિક રીતે ખૂબ જ મહત્વનો ફેસ્ટિવલ છે. તમને આ ગાળામાં અહીં રાજસ્થાની કલ્ચરની ઝલક જોવા મળશે .આ ફેસ્ટમાં સ્થાનિકો પણ શામેલ થાય છે.
માઉન્ટ આબુ વિન્ટર ફેસ્ટિવલમાં ઘણા બઘા લોકલ કલાકારો રંગબેરંગી ડ્રેસ પહેરીને પરફૉર્મ કરે છે. રાજસ્થાની વાગનીઓનો સ્વાદ પણ માણવા મળશે. અહીં કેટલાક રસપ્રદ અને અભિભૂત થઇ જવાય તેવા ડાન્સ પરફૉર્મન્સ પણ જોવા મળશે. રાજસ્થાનના પ્રસિદ્ઘ ડફ ઘૂમર અને ગેર નૃત્ય પર ડાન્સ જોવા મળશે.
આ ઉપરાંત તમને અહીંયા કેટલાક રમતોનું આયોજન થતું પણ જોવા મળશે. અહીં નકી લેકમાં દીવા તરતા મૂકવાની ઈવેન્ટ પણ યોજાય છે જેમાં નકી લેક પર સેંકડ દીવડા તરતા જોવા મળે છે. આ દ્દશ્ય જાદુઇ હોય છે.
રાજસ્થાન ટૂરિઝમ ડેવલપમેન્ટ કોર્પોરેશનની હોટલથી સરઘસ પણ નીકળે છે. જે નકી લેક સ્ટોપ થાય છે. આ ગાળામાં આબુ જવુ હોય તો એડવાન્સમાં હોટેલ બુક કરાવવી યોગ્ય છે કેમકે આ ગાળામાં ટૂરિસ્ટનો ભારો ઘસારો હોય છે.