Video / CMOના પગે પડી ગઈ છતાં દીકરાને બચાવી ન શકી : નિષ્ઠુર અધિકારીઓ સામે લાચાર માની હાલત જોઈને રડી પડશો

• ઉત્તર પ્રદેશના નોઇડાનો વીડિયો થઈ રહ્યો છે વાયરલ 
• CMOના પગે લાગી છતાં ના મળ્યું ઈંજેક્શન 
• લાચાર માએ 24 વર્ષનો દીકરો ગુમાવ્યો 

રેમડેસિવિર માટે અધિકારીના પગમાં પડી ગઈ મા

ભારતમાં કોરોના વાયરસના વધતાં કેસની વચ્ચે દેશભરમાં ઑક્સીજનથી લઈને રેમડેસિવિર સહિતની દવાઓની અછત ઊભી થઈ ગઈ છે. કોરોના વાયરસના દર્દીઓના પરિજનો ઠેર ઠેર એક એક ઈંજેક્શન માટે રઝળી રહ્યા છે ત્યારે ઉત્તર પ્રદેશથી એક હૃદયવિદારક ઘટના સામે આવી છે. એક મા પોતાના જવાનજોધ દીકરા માટે રેમડેસિવિર માટે CMOના પગે પડી પરંતુ આ સરકાર અને અધિકારીનું નિષ્ઠુર હૃદય પિગળ્યું નહીં અને અભાગી મા એ પોતાનો 24 વર્ષનો દીકરો ગુમાવી દીધો. 

नोएडा
कल सीएमओ के पांव में गिरकर रोने वालीं रिंकू देवी ने अपना इकलौता बेटा खो दिया।🙏 pic.twitter.com/MkNUuJ5VFV

— Pankaj Parashar (@PANKAJPARASHAR_) April 28, 2021

નિષ્ઠુર અધિકારીનું હૃદય ના પિગળ્યું 

ઉત્તર પ્રદેશના નોઇડામાં ખોડા કોલોનીમાં રહેતી રિંકી દેવીનો દીકરો કોરોના વાયરસથી સંક્રમિત થઈ ગયો હતો અને હોસ્પિટલમાં સારવાર ચાલુ હતી. ડૉક્ટરોએ રિંકી દેવીને કહ્યું કે રેમડેસિવિર લઈ આવો. પોતાના દીકરાનો જીવ બચાવવા માટે મા તરત જ CMO ઓફિસ દોડી આવી. CMO ડૉક્ટર દિપક ઓહરીના પગમાં મા પડી ગઈ અને વ્હાલસોયા દીકરા માટે ઈંજેક્શન માંગવા લાગી. CMOએ રિંકી દેવીના કાગળ તો લીધા પણ કોઈ મદદ ન કરી. 

#WATCH Noida | Families of #COVID19 patients touch the feet of Chief Medical Officer (CMO) Deepak Ohri, requesting him that they be provided with Remdesivir.

(27.04.2021) pic.twitter.com/zX4ne027Mr

— ANI UP (@ANINewsUP) April 28, 2021

વીડિયો સોશ્યલ મીડિયામાં વાયરલ 

લાચાર માતા તે જ ઓફિસમાં ચાર વાગ્યા સુધી ઈંજેક્શન માટે રાહ જોતી રહી ગઈ પરંતુ કોઈ મદદ ન મળી. સાડા ચાર વાગ્યે ખાલી હાથે મા હોસ્પિટલ પહોંચી ત્યાં સુધી તેના જવાનજોધ દીકરાએ આંખો મીચી લીધી હતી. હવે આ રિંકી દેવી અધિકારીના પગે લાગતી હોય તેવો વીડિયો સોશ્યલ મીડિયામાં વાયરલ થઈ રહ્યો છે ત્યારે જે જે મહિલાઓ ડૉક્ટરના પગે લાગી તેમને હવે જેલમાં નાંખી દેવાની ધમકી આપવામાં આવી રહી છે.