હવામાન / આગાહી: બંગાળની ખાડીમાં સિસ્ટમ સક્રિય થતાં ગુજરાતના આ વિસ્તાર થશે જળબંબોળ

• રાજ્યમાં 3 દિવસ સામાન્ય વરસાદની આગાહી
• વરસાદી સિસ્ટમ સક્રિય ન થતા સામાન્ય વરસાદની શક્યતા
• અત્યાર સુધીમાં રાજ્યમાં સરેરાશ 36% વરસાદ નોંધાયો

વરસાદને લઇ હવામાન વિભાગે આગાહી કરી છે. જેમાં આજથી 3 દિવસ રાજ્યમાં સામાન્ય વરસાદ અને વાદળછાયું વાતાવરણ રહેશે. જ્યારે 25 જુલાઇએ ભારે વરસાદની સંભાવના છે. બંગાળની ખાડીમાં સિસ્ટમ સક્રિય થઈ છે જેને લીધે વરસાદ રહેશે. 

દક્ષિણ ગુજરાતમાં ઓછો વરસાદ રહેશે

બંગાળની ખાડીમાં સિસ્ટમ સક્રિય થતા અમરેલી, ગીરસોમનાથ, વલસાડમાં ભારે વરસાદની આગાહી છે. જ્યારે દક્ષિણ ગુજરાતમાં ઓછો વરસાદ રહેશે.

અત્યાર સુધીમાં રાજ્યમાં સરેરાશ 36 ટકા વરસાદ નોંધાયો

રાજ્યમાં 3 દિવસ સામાન્ય વરસાદની આગાહી કરવામાં આવી છે. વરસાદી સિસ્ટમ સક્રિય ન થતા સામાન્ય વરસાદની શક્યતા છે. અત્યાર સુધીમાં રાજ્યમાં સરેરાશ 36 ટકા વરસાદ નોંધાયો છે.

26 જુલાઇએ અહીં થશે વરસાદ

26 જુલાઇએ વલસાડ, દમણ, અમરેલીમાં વરસાદ થઈ શકે છે. તો ભાવનગર, ગીર સોમનાથમાં પણ વરસાદની આગાહી કરવામાં આવી છે. ઉત્તર-મધ્ય ગુજરાતમાં વરસાદ માટે હજુ પણ રાહ જોવી પડશે.