બેદરકારી / જુઓ તસવીરોમાં અમદાવાદના હાલ બેહાલ, ક્યાંક પાણી ભરાયા, ક્યાંક વૃક્ષો ધરાશાયી અને ક્યાંક ફસાયા વાહનો

• અમદાવાદમાં ભારે વરસાદથી અનેક વૃક્ષો ધરાશાયી
• શહેરમાં વરસેલા ધોધમાર વરસાદથી વૃક્ષો ધારાશાયી
• શહેરના અનેક વિસ્તારમાં 25 થી વધુ વૃક્ષો ધરાશાયી

અમદાવાદમાં ધોધમાર વરસાદ પડ્યો છે. ભારે પવન સાથે વરસાદના કારણે મહાકાય વૃક્ષો ધરાશાયી થયા છે. વાડજ, રાણીપ, ચાંદલોડિયા, કાંકરિયા અને બલોલનગરમાં વૃક્ષો ધરાશાયી થયા છે. શહેરના રસ્તાઓ પર મોટા વૃક્ષો ધરાશાયી થતા વાહનચાલકોને ભારે હાલાકી પડી રહી છે. તો બીજી તરફ રસ્તો બેસી જતા ક્રેન ફસાઇ ગઇ છે. માનવ મંદિર પાસે રોડ બેસી જતા મેટ્રો બ્રિજની નીચે ક્રેન ફસાઇ ગઇ હતી. 

અમદાવાદમાં ભારે પવન સાથે વરસાદ થતા અનેક વિસ્તારમાં વૃક્ષ ધરાશાયી થયા છે. શહેરના કાંકરિયા વિસ્તારમાં રસ્તા પર મહાકાય વૃક્ષ ધરાશાયી થયું છે. વૃક્ષ ધરાશાયી થતા એક તરફનો રસ્તો બંધ થયો છે. જેના કારણે વાહન ચાલકોને પરેશાનીનો સામનો કરવો પડી રહ્યો છે. CTM પાસેના વિસ્તા માં એકસાથે 7 વૃક્ષ ધરાશાયી થયા છે. 

અમદાવાદમાં ભારે વરસાદના કારણે અનેક વિસ્તારમાં વરસાદી પાણી ભરાયા છે. નિકોલ વિસ્તારમાં ઠેર ઠેર પાણી ભરાયા છે. નિકોલના ગોપાલ ચોક વિસ્તારમાં ઘુંટણ સુધી પાણી ભરાયા છે. દર વખતે આજ રીતે પાણી ભરાતા હોવાનો સ્થાનિકોએ આક્ષેપ કર્યો છે. સરસપુર વિસ્તારમાં ઘૂંટણસમા પાણી ભરાયા છે. વરસાદના 2 કલાક બાદ પણ પાણી નથી ઓસર્યા.