પુરાવો / મની લૉન્ડ્રિંગ કેસમાં નવો ખુલાસો, સુકેશ ચંદ્રશેખર સાથે એક્ટ્રસ જેકલીન ફર્નાન્ડીઝનો ફોટો આવ્યો સામે

• સુકેશ ચંદ્રશેખરે જેકલીન ફર્નાન્ડીઝનો ફોટો સામે આવ્યો
• તપાસ એજન્સીઓને ફોટો હાથ લાગ્યો
• છેતરપિંડીથી જેકલીનને જાળમાં ફસાવી

એક્ટ્રેસ જેકલીન ફર્નાન્ડીઝ અને સુકેશ ચંદ્રશેખર વચ્ચે નજીકના સંબંધોની વાત સામે આવી હતી. હવે તેમનો એક ફોટો સામે આવ્યો છે, જેમાં બન્નેનું સારૂ બોન્ડિંગ નજરે આવી રહ્યું છે. આ ફોટો પૂરાવો આપવા માટે પૂરતો છે કે કેવી રીતે સુકેશ ચંદ્રશેખરે જેકલીન ફર્નાન્ડીઝને પોતાની જાળમાં ફસાવીને તેની સાથે મિત્રતા કરી હતી.

તપાસ એજન્સીઓને ફોટો હાથ લાગ્યો

આ ફોટો તપાસ એજન્સીઓના હાથ લાગ્યો છે, જેમાં જેકલીન અને મહાઠગ સુકેશ ચંદ્રશેખર નજરે આવી રહ્યા છે. સૌથી ચોંકાવનારી વાત એ છે કે, આ ફોટો તે સમયનો છે, જ્યારે સુકેશ વચગાળાના જામીન પર તિહાર જેલથી બહાર આવ્યો હતો અને ત્યારબાદ તેઓ ફ્લાઇટથી ચેન્નઈ પહોંચ્યો હતો. આ ફોટો ચેન્નઈની એક ફાઇવ સ્ટાર હોટલનો છે.

ફોટોની વાત કરીએ તો તમે તેમાં સુકેશના હાથમાં જે આઈફોન 12 પ્રો જોઈ રહ્યા છો તે એજ ફોન હતો જેમાં ઇઝરાયલનું સિમ કાર્ડ ઉપયોગ કરીને 200 કરોડની વસૂલીને અંજામ આપવામાં આવ્યો હતો. સૌથી ચોંકાવનારી વાત એ છે કે, જામીન દરમિયાન સુકેશ એ જ મોબાઇલ ફોન વાપરી રહ્યો હતો. એજન્સી માટે આ ફોટો એટલા માટે મહત્વનો છે કારણ કે આમાં ફિલ્મ એક્ટ્રેસ જેક્લીનને સુકેશની સાથે સ્પષ્ટ જોઈ શકાય છે.

છેતરપિંડીથી જેકલીનને જાળમાં ફસાવી

જણાવી દઇએ કે, પોતાને ચેન્નઈનો એક મોટો બિઝનેસમેન બતાવીને જેકલીન સાથે મિત્રતા કરી અને પછી જેકલીનને કરોડોના મોંઘા ગિફ્ટ્સ પણ સુકેશે આપ્યા હતા. એજ કારણ હતું કે જેકલીનને EDએ સમન કર્યું હતું અને તેને પોતાની બેંક ડીટેઇલ્સ તમામ ક્રેડિટ કાર્ડના ટ્રાન્જેક્શન ડીટેઇલ્સ પણ ED પૂછપરછમાં સામેલ થતા સમયે લાવવા કહ્યું હતું.

 

 

 

 

View this post on Instagram

 

 

 

 

 

 

 

 

 

 

 

A post shared by Jacqueline Fernandez (@jacquelinef143)

જણાવી દઇએ કે, ડિસેમ્બરના પહેલા અઠવાડિયામાં જ ED મની લૉન્ડ્રિંગના આ કેસમાં એક મહત્વપૂર્ણ ચાર્જશીટ દિલ્હીની કોર્ટમાં દાખલ કરવામાં આવી રહી છે જેમાં સુકેશ અને જેકલીનના કનેક્શનનો પણ પૂરો ઉલ્લેખ કરાયો છે. આ ફોટો એપ્રિલથી જૂન વચ્ચેનો છે. જેમાં અંદાજિત 4 વખત જેકલીન અને સુકેશની ચેન્નઈમાં મુલાકાત થઇ. 

એજન્સીના સૂત્રો અનુસાર, સુકેશે જેકલીન માટે આ મુલાકાત માટે પ્રાઇવેટ જેટનો બંદોબસ્ત પણ કર્યો હતો. સુકેશ આ દરમિયાન વચગાળાના જામીન પર અંદાજિત દોઢ મહિના માટે જેલથી બહાર આવ્યો હતો.