ભારતીય ટીમના ઝડપી બોલર મોહમ્મદ શમીએ સોશિયલ મીડિયામાં દશેરાની શુભકામના આપી છે. જેને કારણે તેઓ કટ્ટરપંથીઓના નિશાને આવી ગયા છે. સોશિયલ મીડિયામાં અમુક યુઝર્સે તેમના આ ટ્વિટને ધર્મ સાથે જોડીને તેમને ખરુ-ખોટુ કહ્યું છે.
મોહમ્મદ શમીએ સોશિયલ મીડિયામાં દશેરાની શુભકામના આપી
મોહમ્મદ શમી કટ્ટરપંથીઓના નિશાને આવી ગયા
કેટલાંક યુઝર્સે શમીને સપોર્ટ પણ કર્યો
મોહમ્મદ શમી એક ટ્વિટને કારણે નિશાને આવ્યાં
ભારતીય ફાસ્ટ બોલર મોહમ્મદ શમી અત્યારે ભારતીય ટીમમાંથી બહાર છે. તો આ વર્ષે જુલાઈમાં ઈંગ્લેન્ડ સામે શ્રેણીમાં દેખાયા હતા. તેમણે ઓસ્ટ્રેલિયા અને દક્ષિણ આફ્રિકાની સામે ટી-20 સીરીઝ માટે ટીમનો ભાગ તો બનાવવામાં આવ્યો. પરંતુ કોરોના વાયરસથી સંક્રમિત હોવાના કારણે તેઓ રમી શક્યા નહીં. આ દરમ્યાન તેઓ પોતાના એક ટ્વિટને કારણે કટ્ટરપંથીઓના નિશાને આવી ગયા.
શમીએ દશેરા પર આપી શુભેચ્છાઓ
મોહમ્મદ શમીએ સોશિયલ મીડિયામાં દશેરાની શુભેચ્છા આપી. જેના કારણે તેઓ કટ્ટરપંથીઓના નિશાને આવી ગયા. સોશિયલ મીડિયામાં અમુક યુઝર્સે તેમના આ ટ્વિટને ધર્મ સાથે જોડીને તેમને ખરુ-ખોટુ કહેવા લાગ્યા. એટલું જ નહીં, તેમને નામ પણ બદલવાની સલાહ આપવામાં આવી. જો કે, શમીએ તેના પર કોઈ ધ્યાન આપ્યું નથી. શમીના આ ટ્વિટને અત્યાર સુધી 40 હજારથી વધુ યુઝર્સે લાઈક કર્યુ છે. મોટી સંખ્યામાં લોકોએ તેમને સપોર્ટ કર્યો છે.
ભગવાન રામની તસ્વીર પોસ્ટ કરી
શમીએ તેના ટ્વિટમાં ભગવાન રામની તસ્વીર પણ પોસ્ટ કરી. તેમણે લખ્યું, દશેરાના આ પાવન પર્વ પર મારી ભગવાન રામ પાસે એવી પ્રાર્થના છે કે તેઓ બધાના જીવનમાં ખુશી, સમૃદ્ધી અને સફળતા લાવે. તમને અને તમારા પરિવારને દશેરાની હાર્દિક શુભકામનાઓ. આ ટ્વિટને લઇને કેટલાંક યુઝર્સે તેમને નિશાન બનાવવાનુ શરૂ કર્યુ. એક યુઝરે લખ્યું કે તેમની સામે ફતવો જાહેર થઇ શકે છે. જો કે, અમુક પ્રશંસકોએ તેમને સપોર્ટ કર્યો છે.
On the happy occasion of Dussehra, I pray that Lord Ram fills your life with lots of happiness, prosperity, and success. Happy Dussehra to you and your family. #mdshami11#Dussehrapic.twitter.com/wsFk7M1Gj5
શમીએ માન્ચેસ્ટરમાં આ વર્ષે જુલાઈમાં પોતાની અંતિમ વન-ડે રમી હતી. આની પહેલા તેઓ ઈંગ્લેન્ડ સામે ટેસ્ટ મેચનો પણ ભાગ હતા. તેઓ ગયા વર્ષે ટી–20 વર્લ્ડ કપ બાદ આ ફોર્મેટમાં ભારત માટે કોઈ મેચ રમ્યા નથી. તેમણે ટી-20 વર્લ્ડ કપ 2022માં સ્ટેન્ડબાય પસંદ કરવામાં આવ્યો છે. શમીએ અત્યાર સુધી 60 ટેસ્ટ, 82 વન-ડે અને 17 ટી-20 આંતરરાષ્ટ્રીય મેચ રમી છે.